---
title: "#accident | ദമ്പതികൾക്ക് പരിക്ക്; പാറാട് ബൊലേറോ ജീപ്പ് നിയന്ത്രണം വിട്ട് താഴ്ചയിലേക്ക് തലകീഴായി മറിഞ്ഞു ; അപകടത്തിൽപെട്ടത് വിലങ്ങാട് സ്വദേശികൾ"
english_title: "#Injury #couple #Parad #BoleroJeep #outofcontrol #fell #upsidedown #residents #Vilangad #inaccident"
publisher: "nadapuramnews.in"
canonical_url: "https://nadapuram.truevisionnews.com/news/145663/injury-couple-parad-bolerojeep-outofcontrol-fell-upsidedown-residents-vilangad-inaccident-new"
published_at: "2023-09-12T11:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6500046a4f7ea_ACCIDENT_2.jpg"
keywords: []
---

# #accident | ദമ്പതികൾക്ക് പരിക്ക്; പാറാട് ബൊലേറോ ജീപ്പ് നിയന്ത്രണം വിട്ട് താഴ്ചയിലേക്ക് തലകീഴായി മറിഞ്ഞു ; അപകടത്തിൽപെട്ടത് വിലങ്ങാട് സ്വദേശികൾ

> **Lead Summary:** **നാദാപുരം** **: [**[ ]പാനൂരിനടുത്ത് പാറാട് ബൊലേറോ ജീപ്പ് നിയന്ത്രണം വിട്ട് താഴ്ചയിലേക്ക് തലകീഴായി മറിഞ്ഞു . നാദാപുരം വിലങ്ങാട് സ്വദേശികളായ ദമ്പതികൾക്ക് പരിക്ക്. ഇന്ന് രാവിലെ 7.15 ഓടെയായിരുന്നു അപകടം. KL 18 J 7516 നമ്പർ ബൊലേറോ ജീപ്പ് നിയന്ത്രണം വിട്ട് തലകീഴായി മറിയുകയായിരുന്നു.

## Article Content

**നാദാപുരം** **: [**[ ]പാനൂരിനടുത്ത് പാറാട് ബൊലേറോ ജീപ്പ് നിയന്ത്രണം വിട്ട് താഴ്ചയിലേക്ക് തലകീഴായി മറിഞ്ഞു . നാദാപുരം വിലങ്ങാട് സ്വദേശികളായ ദമ്പതികൾക്ക് പരിക്ക്. ഇന്ന് രാവിലെ 7.15 ഓടെയായിരുന്നു അപകടം. KL 18 J 7516 നമ്പർ ബൊലേറോ ജീപ്പ് നിയന്ത്രണം വിട്ട് തലകീഴായി മറിയുകയായിരുന്നു.

വിലങ്ങാട് സ്വദേശി സജി തോമസ്, ഭാര്യ റെജി എന്നിവർക്കാണ് പരിക്കേറ്റത്. കൊളവല്ലൂർ ഹയർ സെക്കണ്ടറി സ്കൂളിനും ടി പി ജി എം മെമ്മോറിയൽ യൂപി സ്കൂളിനും ഇടയ്ക്കായുള്ള വളവിൽ നിന്നാണ് ജീപ്പ് നിയന്ത്രണംതെറ്റി സമീപത്തെ നീളപ്പറമ്പത്ത് കുഞ്ഞമ്മദിൻ്റെ വീട്ടുമുറ്റത്തേക്ക് മറിഞ്ഞത്.

അപകടം രാവിലെയായതിനാൽ വൻ ദുരന്തമാണ് വഴിമാറിയത്. സ്കൂൾ കുട്ടികൾ അടക്കം സഞ്ചരിക്കുന്ന ഏറ്റവും തിരക്കേറിയ ജംഗ്ഷൻ കൂടിയാണിത്. ഉഗ്രശബ്ദത്തോടെയാണ് ജീപ്പ് താഴേക്ക് പതിച്ചത്.

ജീപ്പിലുണ്ടായിരുന്ന പരിക്കേറ്റവരെ മിംസ് ആശുപത്രിയിലേക്ക് കൊണ്ടുപോയി. പരിക്ക് സാരമുള്ളതല്ല. കാസർക്കോട്ടെ ഭാര്യാ വീട്ടിൽ നിന്നും നാദാപുരം വിലങ്ങാടേക്കുള്ള യാത്രയിലായിരുന്നു ദമ്പതികൾ. ജീപ്പ് പൂർണമായും തകർന്ന നിലയിലാണ്.

### Related Links & Sources
- [Original Story Source](https://nadapuram.truevisionnews.com/news/145663/injury-couple-parad-bolerojeep-outofcontrol-fell-upsidedown-residents-vilangad-inaccident-new)