---
title: "#aushadhi  |  പിഴിച്ചിൽ ; മനസ്സും ശരീരവും ശാന്തമാക്കാം, അറിയാം മസാജിന്റെ ആരോഗ്യ ഗുണങ്ങൾ"
english_title: "#Relax #mind #body #know #health #benefits #massage"
publisher: "nadapuramnews.in"
canonical_url: "https://nadapuram.truevisionnews.com/news/165516/relax-mind-body-know-health-benefits-massage"
published_at: "2023-11-27T20:21:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6564aee77a7f9_aushadhi_.jpg"
keywords: []
---

# #aushadhi  |  പിഴിച്ചിൽ ; മനസ്സും ശരീരവും ശാന്തമാക്കാം, അറിയാം മസാജിന്റെ ആരോഗ്യ ഗുണങ്ങൾ

> **Lead Summary:** **എടച്ചേരി :[ **പിഴിച്ചിൽ എന്നത് തലയൊഴികെ ശരീരത്തിന്റെ എല്ലാ ഭാഗങ്ങളിലേക്കും മുകളിലേക്കും താഴേക്കും മൃദുവും സമന്വയിപ്പിച്ചതുമായ മസാജ് ആണ്. തൈലം ചെറുചൂടോടെ പിഴിഞ്ഞ് വീഴ്ത്തുക ആണ് ഇതിൽ ചെയ്യുന്നത്. തുടർച്ചയായി എണ്ണ ശരീരത്തിൽ ഒഴിക്കുക, തുടർന്ന് കൈകളും പ്രത്യേക കോട്ടൺ തുണികളും ഉപയോഗിച്ച് ചർമ്മത്തെ ഉണർത്തുന്നതും ഉത്തേജിപ്പിക്കുന്നതും ചികിത്സയുടെ ഭാഗമാണ്.

## Article Content

**എടച്ചേരി :[ **പിഴിച്ചിൽ എന്നത് തലയൊഴികെ ശരീരത്തിന്റെ എല്ലാ ഭാഗങ്ങളിലേക്കും മുകളിലേക്കും താഴേക്കും മൃദുവും സമന്വയിപ്പിച്ചതുമായ മസാജ് ആണ്. തൈലം ചെറുചൂടോടെ പിഴിഞ്ഞ് വീഴ്ത്തുക ആണ് ഇതിൽ ചെയ്യുന്നത്. തുടർച്ചയായി എണ്ണ ശരീരത്തിൽ ഒഴിക്കുക, തുടർന്ന് കൈകളും പ്രത്യേക കോട്ടൺ തുണികളും ഉപയോഗിച്ച് ചർമ്മത്തെ ഉണർത്തുന്നതും ഉത്തേജിപ്പിക്കുന്നതും ചികിത്സയുടെ ഭാഗമാണ്.

ഏകദേശം ഒരു മണിക്കൂർ എടുക്കുന്ന ചികിത്സാക്രമമാണ് ഇത്. വാത സംബന്ധമായ പ്രശ്നങ്ങൾ ഓസ്റ്റിയോ ആർത്രൈറ്റിക്സ്, ഉറക്കമില്ലായ്മ, വിഷാദം, ലൈംഗിക പ്രശ്നങ്ങൾ എന്നിവയ്ക്ക് ഡോക്ടറുടെ നിർദ്ദേശപ്രകാരം പിഴിച്ചിൽ ഉപയോഗപ്പെടുത്തുന്നു. എണ്ണ മസാജും ചൂട് ചികിത്സയും ചേർന്നതാണ് ഇത്.

ഈ ചികിത്സ രക്തചംക്രമണവും പ്രതിരോധശേഷിയും മെച്ചപ്പെടുത്തുന്നു. ഞരമ്പ് സംബന്ധമായ അസുഖങ്ങളിലും പക്ഷാഘാതത്തിന് ശേഷം ബാക്കി നിൽക്കുന്ന വൈകല്യങ്ങളിലുമൊക്കെ ഡോക്ടറുടെ നിർദ്ദേശപ്രകാരം പിഴിച്ചിൽ ചെയ്യാറുണ്ട്. രോഗമില്ലാത്ത സ്വസ്ഥൻമാർക്ക് ധാന്വന്തരം,സഹചരാദി തൈലം മുതലായ എണ്ണകൾ ഉപയോഗപ്പെടുത്തുമ്പോൾ രോഗാവസ്ഥയിൽ ഉള്ളവർക്ക് രോഗത്തിനനുസരിച്ചുള്ള ഔഷധങ്ങൾ ചേർത്ത് സംസ്കരിച്ച് എണ്ണ ആണ് എടുക്കുന്നത്.

പിഴിച്ചിൽ എന്നത് കേരള സ്പെഷ്യാലിറ്റി ചികിത്സയാണ് പിഴിച്ചിൽ ശ്രദ്ധാപൂർവ്വം ഉപയോഗപ്പെടുത്തേണ്ട ചികിത്സാ വിധിയാണ് പിഴിച്ചിലിന് ശേഷം കഠിനമായ ശാരീരിക പ്രവർത്തനങ്ങൾ കുറച്ച് ദിവസത്തേക്ക് നിഷിദ്ധമാണ്. ഉഴിച്ചിലിനെ അപേക്ഷിച്ചു തൈലം  കൂടുതൽ ആവശ്യമുള്ളതിനാൽ പിഴിച്ചിലിന് റേറ്റ് കുറച്ചു കൂടുതലുണ്ട്. ഏഴു മുതൽ 21 ദിവസം വരെ പിഴിച്ചിൽ  വൈദ്യ നിർദേശപ്രകാരം  ചെയ്യാവുന്നതാണ്

### Related Links & Sources
- [Original Story Source](https://nadapuram.truevisionnews.com/news/165516/relax-mind-body-know-health-benefits-massage)