നാദാപുരം : (nadapuram.truevisionnews.com) ഫാസിസത്തിനെതിരായ പോരാട്ടത്തിന് സിപിഎം തുരങ്കം വെക്കുന്നതായി മുൻ കെപിസിസി പ്രസിഡൻറ് മുല്ലപ്പള്ളി രാമചന്ദ്രൻ.
കഴിഞ്ഞ പൊതു തെരഞ്ഞെടുപ്പിൽ ഇന്ത്യാ മുന്നണിയെ സഹായിക്കാത്ത ഏക പാർട്ടി സി പി എമ്മാണ്. വർഗ്ഗീയതയ്ക്കെതിരെ ഇന്ത്യൻ ജനത രാഹുൽ ഗാന്ധിക്ക് പിന്നിൽ അണിനിരന്നപ്പോൾ സിപിഎം സ്വീകരിച്ചത് രാഹുൽ വിരുദ്ധ സമീപനമാണ്.
അയോദ്യ നിലനിൽക്കുന്ന ഫൈസാബാദ് പാർലമെന്റ് മണ്ഡലത്തിൽ ബി ജെപി യെ സഹായിക്കുന്ന സമീപനമാണ് സി പി എം എടുത്തത്. എന്നിട്ടും കഴിഞ്ഞ തെരഞ്ഞെടുപ്പിലെ വിജയം ജനാധിപത്യത്തിന് കരുത്ത് പകരുന്നതായി മുല്ലപ്പള്ളി പറഞ്ഞു.
ജില്ലാ കോൺഗ്രസ് സെക്രട്ടറി ആയിരുന്ന പി ശ്രീനിവാസൻരെ ഏഴാം ചരമ വാർഷികത്തോടനുബന്ധിച്ച അനുസ്മരണ സമ്മേളനം തൂണേരിയിൽ ഉദ്ഘാടനം ചെയ്യുകയായിരുന്നു.
മണ്ഡലം കോൺഗ്രസ് പ്രസിഡണ്ട് അശോകൻ തൂണേരി അധ്യക്ഷനായി.കെപിസിസി സെക്രട്ടറിമാരായ ഐ മൂസ, വി എം ചന്ദ്രൻ, ഡിസിസി ഭാരവാഹികളായ പ്രമോദ് കക്കട്ടിൽ, ആവോലം രാധാകൃഷ്ണൻ, ബ്ലോക്ക് പ്രസിഡണ്ട് മോഹനൻ പാറക്കടവ്, എ സജീവൻ, പി രാമചന്ദ്രൻ , വി കെ രജീഷ്, രവിഷ് വളയം, സുധ സത്യൻ, ടി മൂസ ഹാജി, ഫസൽ മട്ടാൻ, കെ എം രഘുനാഥ്, സി കെ ലത , പി കെ സുജാത , പി പി സുരേഷ് കുമാർ, റിജേഷ് നരിക്കാട്ടേരി, കെ ചന്ദ്രൻ മ, പി കെ ദാമു , തേറത്ത് കുഞ്ഞി കൃഷ്ണൻ നമ്പ്യാർ സംസാരിച്ചു.
#CPM #undermining #the #fight #against #fascism #Mullapally
