---
title: "#Byelection | ഉപതെരഞ്ഞെടുപ്പ് ; 30 ന്  പാറക്കടവിൽ  കലക്ടർ പ്രാദേശിക അവധി പ്രഖ്യാപിച്ചു"
english_title: "#byelection #Collector #declared #local #holiday #at #Parakkad #on #30th"
publisher: "nadapuramnews.in"
canonical_url: "https://nadapuram.truevisionnews.com/news/222122/byelection-collector-declared-local-holiday-at-parakkad-on-30th"
published_at: "2024-07-22T21:50:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/669e88dec8b5a_election.jpg"
keywords: []
---

# #Byelection | ഉപതെരഞ്ഞെടുപ്പ് ; 30 ന്  പാറക്കടവിൽ  കലക്ടർ പ്രാദേശിക അവധി പ്രഖ്യാപിച്ചു

> **Lead Summary:** **നാദാപുരം : **ഉപതെരഞ്ഞെടുപ്പ് നടക്കുന്ന 30 ന് പാറക്കടവിൽ കലക്ടർ പ്രാദേശിക അവധി പ്രഖ്യാപിച്ചു.

## Article Content

**നാദാപുരം : **ഉപതെരഞ്ഞെടുപ്പ് നടക്കുന്ന 30 ന് പാറക്കടവിൽ കലക്ടർ പ്രാദേശിക അവധി പ്രഖ്യാപിച്ചു.

തൂണേരി ബ്ലോക്ക് പഞ്ചായത്ത് പാറക്കടവ് ഡിവിഷനായ ചെക്യാട് ഗ്രാമപഞ്ചായത്തിലെ 1, 2, 12, 13, 14, 15 വാര്‍ഡുകള്‍ ഉള്‍പെട്ടതും തൂണേരി ഗ്രാമപഞ്ചായത്തിലെ 2, 3, 4 വാര്‍ഡുകള്‍ ഉള്‍പെട്ടതുമായ പ്രദേശത്താണ് അവധി.

ജൂലൈ 30 ന് ഉപതിരഞ്ഞെടുപ്പ് നടക്കുന്നതിനാല്‍ ഈ മണ്ഡലങ്ങളുടെ പരിധിക്കുള്ളില്‍ വരുന്ന സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും അന്ന് പ്രാദേശിക അവധിയായി ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ പ്രഖ്യാപിച്ചു.

ഉപതിരഞ്ഞെടുപ്പ് നടക്കുന്ന വാര്‍ഡുകളിലെ വോട്ടര്‍മാരായ സര്‍ക്കാര്‍, അര്‍ധ സര്‍ക്കാര്‍, പൊതുമേഖലാ സ്ഥാപനങ്ങള്‍, നിയമാനുസൃത കമ്പനികള്‍, ബോര്‍ഡുകള്‍, കോര്‍പ്പറേഷനുകള്‍ എന്നീ സ്ഥാപനങ്ങളിലെ ജീവനക്കാര്‍ വാര്‍ഡിലെ വോട്ടറാണെന്ന് തെളിയിക്കുന്ന രേഖ സഹിതം അപേക്ഷിക്കുന്ന പക്ഷം സ്വന്തം പോളിംഗ് സ്റ്റേഷനുകളില്‍ പോയി വോട്ട് ചെയ്യുന്നതിന് പ്രത്യേക അനുമതി നല്‍കാൻ ബന്ധപ്പെട്ട് ഓഫീസ് മേലധികാരികള്‍ ശ്രദ്ധിക്കണമെന്നും കളക്ടർ നിർദേശിച്ചു.

### Related Links & Sources
- [Original Story Source](https://nadapuram.truevisionnews.com/news/222122/byelection-collector-declared-local-holiday-at-parakkad-on-30th)