---
title: "#NDRFteam | രക്ഷാപ്രവർത്തനം;  എൻഡിആർഎഫ് സംഘം വിലങ്ങാട്ടേക്ക്"
english_title: "#rescue #operation #NDRF#team #Vilangat"
publisher: "nadapuramnews.in"
canonical_url: "https://nadapuram.truevisionnews.com/news/223993/rescue-operation-ndrfteam-vilangat"
published_at: "2024-07-30T11:19:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66a87fc40a755_chuzhali1.jpg"
keywords: []
---

# #NDRFteam | രക്ഷാപ്രവർത്തനം;  എൻഡിആർഎഫ് സംഘം വിലങ്ങാട്ടേക്ക്

> **Lead Summary:** **നാദാപുരം : [**ദുരന്തമുഖമായി മാറിയ വിലങ്ങാട്ട് രക്ഷാപ്രവർത്തനത്തിന് നേതൃത്വം നൽകാൻ ദേശീയ ദുരന്ത നിവാരണ സേന രംഗത്ത് . ഫയർ ഫോഴ്സും പൊലീസും സ്ഥലത്തെത്തി രക്ഷാ പ്രവർത്തനം ആരംഭിച്ചിട്ടുണ്ട്.

## Article Content

**നാദാപുരം : [**ദുരന്തമുഖമായി മാറിയ വിലങ്ങാട്ട് രക്ഷാപ്രവർത്തനത്തിന് നേതൃത്വം നൽകാൻ ദേശീയ ദുരന്ത നിവാരണ സേന രംഗത്ത് . ഫയർ ഫോഴ്സും പൊലീസും സ്ഥലത്തെത്തി രക്ഷാ പ്രവർത്തനം ആരംഭിച്ചിട്ടുണ്ട്.

വിലങ്ങാട് മലയങ്ങാട് ഭാഗത്തു ഉരുൾപൊട്ടിയത്തിൽ മലയങ്ങാട് പാലം ഒലിച്ചു പോയിട്ടുണ്ട്. പാലം പോയതോടുകൂടി 12 കുടുംബങ്ങൾ ഒറ്റപ്പെട്ടിട്ടാണ് ഉള്ളത് പുഴയുടെ സൈഡിലുള്ള വീടുകൾക്കാണ് കേടുപാടുകൾ സംഭവിച്ചിട്ടുള്ളത്.

നാദാപുരം - പാനൂർ സംസ്ഥാന പാതയിലെ പാറക്കടവ് പാലം അപകടാവസ്ഥ കണക്കിലെടുത്ത് അടച്ചു . പാറക്കടവ് പുഴയിൽ നിന്ന് വെള്ളം കയറി ഇതുവഴിയുള്ള ഗതാഗതം പൂർണമായും നിലച്ചു.

വിലങ്ങാട് ഉരുൾപൊട്ടലിനെ തുടർന്ന് വാണിമേൽ പുഴ കരകവിഞ്ഞു. പുഴയോരത്തെ താഴ്ന്ന പ്രദേശങ്ങളിലെ വീടുകൾ വെള്ളത്തിനടിയിൽ. വിഷ്ണുമംഗലം പുഴയിൽ നിന്ന് വെള്ളം കയറി ജാതിയേരി ചെറുമോത്ത് ഭാഗങ്ങളിലെ വീടുകൾ വെള്ളത്തിനടിയിൽ .

ഇവിടങ്ങളിൽ കുടുങ്ങിയ സ്ത്രീകളും കുട്ടികളും അടങ്ങിയ വീട്ടുകാരെ ഫയർഫോഴ്സും നാട്ടുകാരും ചേർന്ന് സുരക്ഷിത സ്ഥാനത്തേക്ക് മാറ്റാൻ തുടങ്ങി.

ദുരന്തഭൂമിയായി ഒറ്റപ്പെട്ട് വിലങ്ങാട് മലയോരം . വിലങ്ങാട് ഒരാളെ കാണാതായി. പത്തോളം വീടുകളും കൃഷിഭൂമിയും മലവെള്ളപ്പാച്ചിൽ ഒലിച്ചു പോയി.

റോഡുകളും വീടുകളും വെള്ളത്തിനടിയിൽ. മത്തിയിയേയാണ് കാണാതായത്. കനത്ത് പെയ്യുന്ന മഴക്കിടെ വടകര താലൂക്കിലെ നാദാപുരം വിലങ്ങാട് മലയോരത്ത് ഉരുൾപൊട്ടൽ തുടരുന്നു.

ഇതിനകം മൂന്നിടത്ത് ഉരുൾപ്പൊട്ടി. വലിയ ശബ്ദത്തോടെയാണ് ഉരുൾ പൊട്ടിയുള്ള മലവെള്ളപ്പാച്ചിൽ വാണിമേൽ പുഴയോരത്തെ നിരവധി വീടുകൾ വെള്ളത്തിനടിയിൽ .

രക്ഷാപ്രവർത്തനം തുടങ്ങി. മയ്യഴി പുഴയോര വാസികൾക്ക് ജാഗ്രതാ നിർദ്ദേശം .അടിച്ചിപ്പാറ മഞ്ഞച്ചീളി പ്രദേശത്ത് രണ്ടിടത്തിയാണ് ഇന്ന് ഉരുൾ പൊട്ടിയത്.

പ്രദേശം ഒറ്റപെട്ടിട്ടുണ്ട്. പാലവും റോഡും തകർന്നു . സമീപ വാസികൾ ഫോൺ വിഴിയാണ് വിവരം അറിയിക്കുന്നത്.പന്നിയേരി വലിയ പാനോം ഉരുട്ടി വാളാം ന്തോട് പ്രദേശങ്ങൾ ഒറ്റപ്പെട്ടു.

മലവെള്ളപ്പാച്ചിൽ ശക്തമാവുകയാണ്. പുഴയോരവാസികൾ ജാഗ്രത പാലിക്കണം. ഉണർന്നെഴുന്നേറ്റ നാട്ടുകാർ രക്ഷാപ്രവർത്തനം ആരംഭിച്ചിട്ടുണ്ട്. റോഡുകൾ വെള്ളത്തിനടിയിലാണ് .

ശക്തമായ മഴയിൽ വലിയ ഉരുൾപൊട്ടലാണ് ഉണ്ടായതെന്നാണി നാട്ടുകാരുടെ അനുമാനം. കുളിക്കുന്ന് ഉൾപ്പെടെയുള്ള പുഴയോര വാസികളെ മാറ്റി താമസിപ്പിക്കാൻ തുടങ്ങി.

പ്രദേശത്ത് വൻ മല വെള്ളപ്പാച്ചിൽ അനുഭവപ്പെടുന്നു. വിലങ്ങാട് ടൗണും പരിസരവും വെള്ളത്തിനടിയിൽ . അടിച്ചിപ്പാറ - മഞ്ഞക്കുന്ന് ഭാഗത്താണ് ഇന്ന് പുലർച്ചെ രണ്ടര മണി യോടെ ഉരുൾപൊട്ടിയതെന്ന് കരുതുന്നു.

മഞ്ഞക്കുന്ന് പാലം വെള്ളത്തിനടിയിൽ. വലിയ മരങ്ങളും പാറക്കൂട്ടങ്ങളും ഒഴിച്ചു വരുന്നുണ്ട്. 2018 ൽ ഉണ്ടായ ഉരുൾപൊട്ടലിന് സമാനമായ അവസ്ഥയാണ് നിലിലുള്ളതെന്ന് പ്രദേശവാസികൾ പറയുന്നു.

കൂടുതൽ വിവരങ്ങൾ ലഭ്യമായിട്ടില്ല. തുടർച്ചയായി പെയ്യുന്ന മഴയിൽ വെള്ളപ്പൊക്കം കാരണം കോഴിക്കോട് ജില്ലയിൽ വാണിമേൽപ്പുഴയുടെ തീരത്ത് താമസിക്കുന്നവരെല്ലാം ഭീതിയിലാണ്.

2019 ആഗ്സ്ത് 11 ന് വ്യാഴാഴ്ച രാത്രി സമാനമായ രീതിയിൽ വാണിമേൽപ്പുഴ കരകവിഞ്ഞൊഴുകുകയും അർധരാത്രിയോടെ വിലങ്ങാട് നിന്ന് 2 കിലോമീറ്റർ അകലെ ആലിമൂലയിൽ വൻ ഉരുൾപൊട്ടലുണ്ടാകുകയും ചെയ്തത്.

ഉരുൾപൊട്ടലിലും പാറക്കല്ലുകളിലും മണ്ണിനടിയിൽപ്പെട്ട് നാല് ജീവൻ പൊലിഞ്ഞിരുന്നു.

### Related Links & Sources
- [Original Story Source](https://nadapuram.truevisionnews.com/news/223993/rescue-operation-ndrfteam-vilangat)