വാണിമേൽ : ടാറിംഗ് തകർന്ന് കുണ്ടും കുഴികളും നിറഞ്ഞ് വർഷങ്ങളായി തകർന്ന് കിടക്കുന്ന വാണിമേൽ പാക്കോയി റോഡ് ഗതാഗത യോഗ്യമാക്കണമെന്ന് ആവശ്യപ്പെട്ട് പ്രദേശവാസികൾ ജനകീയ കമ്മിറ്റി രൂപീകരിച്ചു. ഇനി ജനരോക്ഷം ഉയരും.
ഇതിന് തുടക്കം കുറിച്ച് പാക്കോയി റോഡ് പ്രവേശന കവാടത്തിൽ വെള്ളിയാഴ്ച ഉപരോധം. കക്ഷിരാഷ്ട്രീയത്തിന് അതീതമായി നാട്ടുകാർ ഒന്നടങ്കം സമരത്തിന് ഇറങ്ങുകയാണ്. വാണിമേൽ -നരിപ്പറ്റ പഞ്ചായത്തുകളെ ബന്ധിപ്പിക്കുന്ന പ്രധാന റോഡാണിത്.
റോഡും പാക്കായി പാലവും തകർന്നിട്ട് വർഷങ്ങളായി. മാറി മാറിവരുന്ന കാലാവസ്ഥ വ്യതിയാന ങ്ങൾക്കനുസരിച്ച് ചെളിയും പൊടിയും നിറഞ്ഞ് കാൽ നട യാത്ര പോലും അസാധ്യമായിരി ക്കുകയാണ്.
പല തവണ ആവശ്യപ്പെട്ടിട്ടും യാതൊരു പരിഹാരവും കാണാതെ ഗത്യന്തര മില്ലാതെയാണ് നാട്ടുകാർ സമരമുഖത്ത് ഇറങ്ങാൻ നിർബന്ധിതരായതെന്ന് കർമ സമിതി ഭാരവാഹികൾ പറഞ്ഞു. ആദ്യ ഘട്ടമായി ഭൂമിവാതുക്കൽ അങ്ങാടിയിൽ പാക്കോയി റോഡ് പ്രവേശന കവാടത്തിൽ വെള്ളിയാഴ്ച രാവിലെ 10ന് ഉപരോധം നടക്കും.
Blockade at Pakoi Road entrance on Friday
