#CMVijayan | ജനകീയ കമ്മ്യൂണിസ്റ്റ്; സിഎം വിജയൻ മാസ്റ്റർക്ക് നാട് വിട നൽകി

#CMVijayan | ജനകീയ കമ്മ്യൂണിസ്റ്റ്;  സിഎം വിജയൻ മാസ്റ്റർക്ക് നാട് വിട നൽകി
Oct 1, 2024 09:23 PM | By Jain Rosviya

നാദാപുരം : (nadapuram.truevisionnews.com)കുനിങ്ങാട് ഗ്രാമത്തിൻ്റെ ജനകീയ കമ്മ്യൂണിസ്റ്റ് നായകന് നാട് വിട നൽകി.

പുറമേരിയിലെ മൺ തരികൾക്ക് പോലും സുപരിചിതനായി നാടിൻ്റെ തുടിപ്പായി മാറിയ പൊതുപ്രവർത്തകൻ്റെ വേർപാട് ഉൾക്കൊള്ളാൻ കഴിയാതെ ഉറ്റവരും ബന്ധുക്കളും വിങ്ങിപൊട്ടി.

നൂറുകണക്കിനാളുകളുടെ അന്ത്യോപചാരമർപ്പിച്ച ശേഷം മൃതദ്ദേഹം ഇന്ന് രാത്രി എട്ട് മണിയോടെ വീട്ടുവളപ്പിൽ സംസ്ക്കരിച്ചു.

തുടർന്ന് ഗ്രാമപഞ്ചായത്തി പ്രസിഡൻ്റ് അഡ്വ. ജ്യോതി ലക്ഷ്മിയുടെ അധ്യക്ഷതയിൽ സർവ്വ കക്ഷി അനുശോചനയോഗം ചേർന്നു.

വിശ്രമമില്ലാത്ത പൊതു പ്രവർത്തകനും വിനയപൂർവ്വം ഇടപെടുന്ന കമ്മ്യൂണിസ്റ്റുമായിരുന്നു സി എം വിജയൻ മാസ്റ്റർ എന്നും അദ്ദേഹത്തിൻ്റെ വേർപാട് വിശ്വസിക്കാനാകാത്തതാണെന്ന് കെ.പി കുഞ്ഞമ്മദ് കുട്ടിമാസ്റ്റർ എംഎൽഎ പറഞ്ഞു.

ജനകീയനായ ജനപ്രതിനിധിയുടെ വേർപാട് നാടിൻ്റെ നഷ്ടമാണെന്ന് തൂണേരി ബ്ലോക്ക് പഞ്ചായത്ത് പ്രസിഡൻ്റ് കെ.പി വനജ പറഞ്ഞു.

പുരോഗമന- കർഷക പ്രസ്ഥാനത്തിനും വലിയ നഷ്ടമാണ് വിജയൻ മാസ്റ്ററുടെ വേർപാടെന്ന് കുന്നുമ്മൽ ബ്ലോക്ക് പഞ്ചായത്ത് പ്രസിഡൻ്റ് കെ.പി ചന്ദ്രി പറഞ്ഞു.

വിദ്യാർത്ഥി രാഷ്ട്രീയത്തിലൂടെ പൊതു പ്രവർത്തന രംഗത്ത് എത്തിയ വിജയൻ മാസ്റ്റർക്ക് വലിയ വികസന കാഴ്ചപ്പാടാണ് ഉണ്ടായിരുന്നതെന്ന് ജില്ലാ പഞ്ചായത്ത് അംഗം സുരേഷ് കൂട്ടത്താം കണ്ടി പറഞ്ഞു.

എല്ലാ മരണവും നമ്മെ വേദനിപ്പിക്കുമെങ്കിലും ചില മരണങ്ങൾ നമ്മെ ഞെട്ടിപ്പിക്കും അത്തരത്തിലുള്ള ആകസ്മിക വേർപാടാണ് മാസ്റ്ററുടേതെന്നും കമ്മ്യൂണിസ്റ്റ് പുരോഗമന പ്രസ്ഥാനത്തിന് കനത്ത നഷ്ടമാണ് ഉണ്ടായതെന്നും സി പിഐ എം ഏരിയാ സെക്രട്ടറി പി.പി ചാത്തു പറഞ്ഞു.

കോൺഗ്രസ് നേതാവ് പി. അജിത്ത്, സിപിഐ എം ജില്ലാകമ്മറ്റി അംഗം വി.പി കുഞ്ഞി കൃഷ്ണൻ , കുന്നുമ്മൽ ബ്ലോക്ക് പഞ്ചായത്ത് വൈസ് പ്രസിഡൻ്റ് മുഹമ്മദ് , ഗ്രാമപഞ്ചായത്ത് അംഗങ്ങളായ സമീർ മാസ്റ്റർ, ഇടികെ രജീഷ്, സിപിഐ നേതാവ് ചന്ദ്രൻ, ആർജെഡി നേതാവ് മനോജ് മുതുവടത്തൂർ , മുസ്ലിം ലീഗ് നേതാവ് സൂപ്പി മാസ്റ്റർ സിപിഐ എം ഏരിയാ കമ്മറ്റി അംഗങ്ങളായ എ മോഹൻദാസ്, സി എച്ച് മോഹനൻ, പി.കെ രവീന്ദ്രൻ, കെ.കെ ദിനേശൻ, സിപിഐ എം പുറമേരി ലോക്കൽ സെക്രട്ടറി കെ.ടി കെ ബാലകൃഷണൻ , സഹ അധ്യാപകനായ മുഹമ്മദലി എന്നിവർ സംസാരിച്ചു.

സിപിഐഎം പുറമേരി ലോക്കൽ കമ്മറ്റി അംഗവും പുറമേരി ഗ്രാമപഞ്ചായത്ത് വൈ. പ്രസിഡൻ്റുമായ എം വിജയൻ മാസ്റ്റർ മുതുവടത്തൂർ എംഎൽപി സ്കൂൾ അധ്യാപകനായിരുന്നു.

ഹൃദയ സംബന്ധമായ അസുഖത്തെ തുടർന്ന് ഒരാഴ്ച്ചയോളമായി കോഴിക്കോട്ടെ സ്വകാര്യ ആശുപത്രിയിൽ ചികിത്സയിലായിരുന്നു. അദ്ദേഹം ഇന്ന് രാവിലെയാണ് അന്തരിച്ചത്. വൈകിട്ട് 5 മണിയോടെ പുറമേരി ടൗണിലെ സിപി ഐ എം ലോക്കൽ കമ്മറ്റി ഓഫീസിൽ മൃതദേഹം എത്തിച്ചു.

തുടർന്ന് പാർട്ടി പ്രവർത്തകർ വിലാപയാത്രയായി എത്തിച്ച മൃതദേഹം പുറമേരി കെ ആർ ഹൈസ്കൂളിൽ പൊതുദർശനത്തിന് വച്ചു. നിരവധി പേർ അന്ത്യോപചാരമർപ്പിച്ചു.

നാദാപുരം ഗ്രാമ പഞ്ചായത്ത് പ്രസിഡന്റ് വിവി മുഹമ്മദലി, തുണേരി ഗ്രാമ പഞ്ചായത്ത് പ്രസിഡന്റ് സുധാ സത്യൻ , വൈ. പ്രസിഡൻ്റ് വളപ്പിൽ കുഞ്ഞമ്മദ് , എടച്ചേരി പഞ്ചായത്ത് പ്രസിഡൻ്റ് ടി.കെ പത്മിനി ടീച്ചർ തുടങ്ങിയ ജനപ്രതിനിധികളും വിവിധ രാഷ്ട്രീയ പാർട്ടി നേതാക്കളും നാട്ടുകാരും അന്ത്യോപചാരം അർപ്പിച്ചു..

കർഷക സംഘം നാദാപുരം ഏരിയ വൈസ് പ്രസിഡൻ്റ്, പുറമേരി മേഖല സെക്രട്ടറി, കുനിങ്ങാട് മത്തായി ചാക്കോ മെമ്മോറിയൽ ചാരിറ്റബ്ൾ ട്രസ്റ്റ് ചെയർമാൻ എന്നീ നിലകളിൽ പ്രവർത്തിച്ചു വരികയാണ് അന്ത്യം.

അച്ഛൻ: പരേതനായ കണാരൻ.

അമ്മ: മാണി.

ഭാര്യ: ലെന ( പുറമേരി സർവ്വീസ് സഹകരണ ബേങ്ക് ജീവനക്കാരി).

മക്കൾ: ഷെല്ലി വിജയൻ, സാലറ്റ് വിജയൻ (ഇരുവരും വിദ്യാർത്ഥികൾ ).

സഹോദരങ്ങൾ: മോഹനൻ (ഹോട്ടൽ കുനിങ്ങാട്),പവിത്രൻ, സുരേഷ്, സുജാത. 

#People #Communist #CMVijayan #bid #farewell #master

Next TV

Related Stories
ലോക ജനസംഖ്യാദിനാചരണം; ആരോഗ്യ പ്രവർത്തനങ്ങൾ എല്ലാ വിഭാഗം ജനങ്ങളിലും എത്തിക്കണം -പി.സുരയ്യ

Jul 12, 2025 09:30 PM

ലോക ജനസംഖ്യാദിനാചരണം; ആരോഗ്യ പ്രവർത്തനങ്ങൾ എല്ലാ വിഭാഗം ജനങ്ങളിലും എത്തിക്കണം -പി.സുരയ്യ

വാണിമേൽ ഗ്രാമപഞ്ചായത്തിന്റെയും കുടുംബാരോഗ്യ കേന്ദ്രത്തിന്റെയും നേതൃത്വത്തിൽ സംഘടിപ്പിച്ച ലോക ജനസംഖ്യാദിനാചരണം ശ്രദ്ധേയമായി....

Read More >>
സമസ്ത; വിശ്വാസത്തിന് കാവൽ നിന്ന പ്രസ്ഥാനം -എ.വി

Jul 12, 2025 06:12 PM

സമസ്ത; വിശ്വാസത്തിന് കാവൽ നിന്ന പ്രസ്ഥാനം -എ.വി

കേരളീയ മുസ്‌ലിംകളുടെ വിശ്വാസത്തിന് കാവൽ നിന്ന പ്രസ്ഥാനമാണ് സമസ്തയെന്ന് സമസ്ത ജില്ലാ പ്രസിഡൻ്റ് എ.വി അബ്ദുറഹ്മാൻ മുസ്ല്യാർ...

Read More >>
സിപിഐ എം ഇരകൾക്കൊപ്പം; പതിവില തട്ടിപ്പ്, പാർട്ടിയെ പഴിചാരാൻ നോക്കേണ്ട -എം മെഹബൂബ്

Jul 12, 2025 05:57 PM

സിപിഐ എം ഇരകൾക്കൊപ്പം; പതിവില തട്ടിപ്പ്, പാർട്ടിയെ പഴിചാരാൻ നോക്കേണ്ട -എം മെഹബൂബ്

പതിവില തട്ടിപ്പ്, പാർട്ടിയെ പഴിചാരാൻ നോക്കേണ്ടെന്ന് -എം...

Read More >>
ഓണത്തിന് റേഷനില്ല; കല്ലാച്ചിയിൽ പ്രതിഷേധ പ്രകടനം സംഘടിപ്പിച്ച് സി ഐ ടി യു

Jul 12, 2025 05:53 PM

ഓണത്തിന് റേഷനില്ല; കല്ലാച്ചിയിൽ പ്രതിഷേധ പ്രകടനം സംഘടിപ്പിച്ച് സി ഐ ടി യു

കേന്ദ്ര സർക്കാർ ഓണത്തിനുള്ള റേഷൻ വിഹിതം നല്കാത്തതിൽ കല്ലാച്ചിയിൽ പ്രതിഷേധം...

Read More >>
സമ്മാനവുമായി മടങ്ങി; വായന മാസാചരണം, രക്ഷിതാക്കളുടെ ക്വിസ് മത്സരം ശ്രദ്ധേയമായി

Jul 12, 2025 05:04 PM

സമ്മാനവുമായി മടങ്ങി; വായന മാസാചരണം, രക്ഷിതാക്കളുടെ ക്വിസ് മത്സരം ശ്രദ്ധേയമായി

വായന മാസാചരണം, രക്ഷിതാക്കളുടെ ക്വിസ് മത്സരം ശ്രദ്ധേയമായി...

Read More >>
വോട്ടർ പട്ടിക ചോർത്തി; നാദാപുരം പഞ്ചായത്ത് ഓഫീസിലേക്ക് യുഡിഎഫ്  മാർച്ച്

Jul 12, 2025 03:35 PM

വോട്ടർ പട്ടിക ചോർത്തി; നാദാപുരം പഞ്ചായത്ത് ഓഫീസിലേക്ക് യുഡിഎഫ് മാർച്ച്

വോട്ടർ പട്ടിക ചോർത്തി നൽകിയെന്ന് ആരോപിച്ച് നാദാപുരം ഗ്രാമപഞ്ചായത്ത് ഓഫീസിലേക്ക് യുഡിഎഫ് പ്രവർത്തകർ മാർച്ച്...

Read More >>
Top Stories










News Roundup






//Truevisionall