നാദാപുരം:(nadapuram.truevisionnews.com) വയനാട്, വിലങ്ങാട് ദുരിത ബാധിതരെ സഹായിക്കാൻ പ്രശസ്ത ഗായകൻ കൊല്ലം ഷാഫിയുടെ നേതൃത്വത്തിൽ കേരളത്തിലുടനീളം പര്യടനം നടത്തുന്ന പാട്ടു വണ്ടി നാളെ (വ്യാഴം) നാദാപുരം ടൗണിൽ എത്തിച്ചേരും.
രാവിലെ 11 മണിക്ക് ഹോട്ടൽ ഡീപാരിസിന് സമീപം പാട്ടു വണ്ടിക്ക് ഊഷ്മള സ്വീകരണം നൽകുമെന്ന് ഭാരവാഹികൾ വാർത്ത സമ്മേളനത്തിൽ അറിയിച്ചു.
ഷാഫിക്ക് പുറമേ കേരളത്തിലെ പ്രശസ്തരായ ഗായകന്മാരും കലാ സാംസ്കാരിക പ്രവർത്തകരും സംഗീത യാത്രയിൽ ഉണ്ടാകും.
കഴിഞ്ഞ അഞ്ചാം തീയതി മലപ്പുറം ജില്ലയിലെ പൊന്നാനിയിൽ നിന്ന് തുടങ്ങിയ പാട്ടു വണ്ടി ഇതിനകം കാസർഗോഡ് കണ്ണൂർ ജില്ലകളിലും പര്യടനം പൂർത്തിയാക്കിയിട്ടുണ്ട്. കോഴിക്കോട് ജില്ലയിലെ പര്യടനമാണ് ഇന്ന് നടക്കുന്നത്.
നാദാപുരത്തിന് പുറമേ ജില്ലയിലെ പത്തോളം കേന്ദ്രങ്ങളിൽ പാട്ടു വണ്ടി പ്രയാണം നടത്തും. ഇതിലൂടെ സമാഹരിക്കുന്ന തുക വയനാട്ടിലെയും വിലങ്ങാട്ടേയും ദുരിതബാധിതരെ സഹായിക്കാൻ ഉപയോഗപ്പെടുത്തും.
സ്നേഹവീട് അടക്കമുള്ള പദ്ധതികൾ ആലോചിക്കുന്നുണ്ടെന്ന് ഭാരവാഹികൾ വിശദീകരിച്ചു.
നാദാപുരത്ത് നൽകുന്ന സ്വീകരണത്തിൽ പാണക്കാട് മുനവ്വറലി ശിഹാബ് തങ്ങൾ, ജനപ്രതിനിധികൾ, കല സാംസ്കാരിക രംഗത്തെ പ്രമുഖർ തുടങ്ങിയവർ ആശീർവദിക്കും.
വാർത്താ സമ്മേളനത്തിൽ സ്വാഗതസംഘം രക്ഷാധികാരി എം കെ അഷ്റഫ്, ചെയർമാൻ അബ്ബാസ് കണയ്ക്കൽ,
ജനറൽ കൺവീനർ സഫീർ കുറ്റ്യാടി, ഭാരവാഹികളായ ഇക്ബാൽ നരിപ്പറ്റ, സമീർ നടിച്ചാലിൽ, പി സി ഇബ്രാഹിം എന്നിവർ പങ്കെടുത്തു
#Kollam #Shafi #leads #PattuVandi #tomorrow #Nadapuram
.jpg)
