നാദാപുരം:(nadapuram.truevisionnews.com) നാദാപുരം -കുറ്റ്യാടി സംസ്ഥാന പാതയിലെ അപകടക്കുഴികൾ അടയ്ക്കാൻ തുടങ്ങി.
കുണ്ടുംകുഴിയും നിറഞ്ഞ റോഡിലൂടെയുള്ള യാത്രാ അപകടകരമായിരുന്നു. ഇന്നലെ കല്ലാച്ചി ഭാഗത്താണ് റീ ടാറിങ് പ്രവൃത്തികൾ നടത്തിയത്.
ഇന്നും പണി തുടരും. 8 കോടി രൂപ ചെലവിൽ പെരിങ്ങത്തൂർ മുതൽ കക്കട്ടിൽ വരെയാണ് അറ്റകുറ്റപ്പണി നടത്തുന്നത്.
അതിനാൽ ഈ റൂട്ടിൽ ഗതാഗത തടസ്സമുണ്ടാകാൻ സാധ്യതയേറെയാണ്. ഇന്ന് പ്രവൃത്തി ദിനമായതിനാൽ ഗതാഗതക്കുരുക്ക് രൂക്ഷമാകാനാണ് സാധ്യത.
ഇന്നലെ ആംബുലൻസുകളും വിവാഹ സംഘം സഞ്ചരിച്ച വാഹനങ്ങളുമെല്ലാം ഏറെ നേരം ഗതാഗതക്കുരുക്കിൽപെട്ടു.
#Heavy #traffic #Potholes #Nadapuram #Kuttiadi #state #highway #started #closed
