നാദാപുരം: (nadapuram.truevisionnews.com) ഉപജില്ല സ്കൂൾ കലോത്സവത്തോടനുബന്ധിച്ച് നടന്ന അറബിക് സാഹിത്യോത്സവത്തിൽ തുടർച്ചയായി രണ്ടാം തവണയും ഓവറോൾ കിരീടം നേടി കുശ്ശേരി എം എൽ പി സ്കൂൾ നാടിന് അഭിമാനമായി.
കഴിഞ്ഞതവണ അരൂരിൽ നടന്ന കലോത്സവത്തിൽ എൽ പി വിഭാഗം അറബിക് സാഹിത്യോത്സവത്തിൽ ഈ വിദ്യാലയം ഓവറോൾ ചാമ്പ്യൻഷിപ്പ് നേടിയിരുന്നു.
കല്ലാച്ചിയിൽ കഴിഞ്ഞദിവസം സമാപിച്ച കലോത്സവത്തിലും അറബിക്കിൽ ഈ വിദ്യാലയം ചാമ്പ്യന്മാരായി.
സമാപന സമ്മേളനത്തിൽ ഉപജില്ലാ വിദ്യാഭ്യാസ ഓഫീസർ രാജീവൻ പുതിയടുത്ത് ട്രോഫി കൈമാറി.
ഇ കെ വിജയൻ എംഎൽഎ, നാദാപുരം ഗ്രാമപഞ്ചായത്ത് പ്രസിഡൻ്റ് വി വി മുഹമ്മദലി തുടങ്ങിയ ജനപ്രതിനിധികളും സംഘാടകസമിതി ഭാരവാഹികളും ചടങ്ങിൽ സംബന്ധിച്ചു.
#Kuyyeri #MLP #School #won #title #second #time #Arabic #Literature #Festival
