---
title: "#attack | സാരമായ പരിക്ക്; പള്ളിയിൽ നിസ്കരിക്കാൻ എത്തിയ വയോധികന് നേരെ അക്രമം  "
english_title: "#injury #attack #against #elderly #man #came #pray #mosque"
publisher: "nadapuramnews.in"
canonical_url: "https://nadapuram.truevisionnews.com/news/262523/injury-attack-against-elderly-man-came-pray-mosque"
published_at: "2025-01-10T21:40:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67814720d0ca1_attack.jpg"
keywords: []
---

# #attack | സാരമായ പരിക്ക്; പള്ളിയിൽ നിസ്കരിക്കാൻ എത്തിയ വയോധികന് നേരെ അക്രമം  

> **Lead Summary:** **നാദാപുരം: ** വളയത്ത് പള്ളിയിൽ വെള്ളിയാഴ്ച നമസ്കാരത്തിന് എത്തിയ വയോധികനുനേരെ അക്രമം.

## Article Content

**നാദാപുരം: ** വളയത്ത് പള്ളിയിൽ വെള്ളിയാഴ്ച നമസ്കാരത്തിന് എത്തിയ വയോധികനുനേരെ അക്രമം.

മർദ്ദനത്തെ തുടർന്ന് നിലത്ത് വീണ് സാരമായ പരിക്ക്. വളയത്തെ തയ്യുള്ളതിൽ അമ്മദിനാണ്( 75 )മർദ്ദനമേറ്റത്.

ഇന്ന് ഉച്ചയ്ക്ക് ഒരുമണിയോടെ വളയം ടൗണിലെ പള്ളിപരിസരത്ത് വച്ചാണ് സംഭവം. കല്ലുംപുറത്ത് അബ്ദുള്ള ( 56 ) ആണ് മർദ്ദിച്ചത്.

അമ്മദ് പള്ളിയിൽ എത്തുമ്പോൾ അപമര്യാദയായി ചോദ്യം ചോദിക്കുകയും ഇതിനു കടുത്ത ഭാഷയിൽമറുപടി നല്കിയതിനുള്ള പ്രതികാരത്തിൽ നിസ്കാരം കഴിഞ്ഞ് ഇറങ്ങിയ അമ്മദിനെ അബ്ദുള്ള മർദ്ദിക്കുകയായിരുന്നു വെന്നാണ് ദൃക്സാക്ഷികൾ പറയുന്നത് .

മർദ്ദനത്തിനിടയിൽ അമ്മദ് തലയിടിച്ച് നിലത്തുവീഴുകയുമായിരുന്നുവെന്നും ദൃക്‌സാക്ഷികൾ പറഞ്ഞു.

അമ്മദിനെ വളയം ഗവൺമെന്റ് ആശുപത്രയിൽ പ്രാഥമിക ചികിത്സ നൽകിയതിന് ശേഷം കോഴിക്കോട് മെഡിക്കൽ കോളേജിലേക്ക് കൊണ്ടുപോയി.

വളയം പോലീസ് സ്ഥലത്തെത്തി അന്വേഷണം ആരംഭിച്ചു.

### Related Links & Sources
- [Original Story Source](https://nadapuram.truevisionnews.com/news/262523/injury-attack-against-elderly-man-came-pray-mosque)