നാദാപുരം : (nadapuram.truevisionnews.com) മിന്നൽ വേഗത്തിൽ പൊന്നുമോൻ്റെ വിയോഗം . നടുക്കം വിട്ടുമാറാതെ ഉറ്റവരും ചങ്ങാതിമാരും കുടുംബത്തിനോടൊപ്പം വിറങ്ങലിച്ച് വളയം മാമുണ്ടേരി ഗ്രാമവും .
മാമുണ്ടേരി നെല്ലിയുള്ളതിൽ ഹമീദിൻ്റെ മകൻ മുനവ്വറലിയുടെ മൃതദേഹം വളയം കുടുംബാരോഗ്യ കേന്ദ്രത്തിൽ ഇൻക്വസ്‌റ്റ് നടപടികൾ പൂർത്തിയായ ശേഷം പോസ്റ്റുമോർട്ടത്തിനായി കോഴിക്കോട് മെഡിക്കൽ കോളേജിലേക്ക് അയച്ചു .
ബ്ലൂബെറി മരത്തിൽ നിന്ന് ബ്ലൂബെറി പറിക്കുന്നതിനിടയിൽ കുട്ടി കിണറ്റിലേക്ക് വീഴുകയായിരുന്നു . ഇന്ന് രാവിലെ 10 മണിയോടെ വളയം ടൗണിനടുത്തെ മാമുണ്ടേരിയാണ് സംഭവം .
മദ്രസയിൽ പതിവുപോലെ ഇന്ന് രാവിലെമുതൽ ആരംഭിച്ച മദ്രസ പഠനം കഴിഞ്ഞു കൂട്ടുകാരോടൊപ്പം വീട്ടിലേക്ക് മടങ്ങുകയിരുന്നു പത്ത് വയസ്സുകാരനായ മുനവ്വറലി . മാമുണ്ടേരി പള്ളിക്ക് മുൻവശത്തെ പറമ്പിൽ പള്ളിക്കായി കുഴിച്ച കിണറ്റിന് മുകളിലേക്ക് പടർന്നു പന്തലിച്ച ബ്ലൂബെറി മരത്തിൽ മൊട്ടിട്ട പഴം കൂട്ടുകാരുടെ ശ്രദ്ധയിൽപ്പെട്ടത് .
ഇരുമ്പ് ഗ്രിൽസിട്ട് മൂടിയ കിണറ്റിന്റെ മുകളിൽ കയറി നിന്ന് കൊമ്പ് താഴ്ത്തി ബ്ലൂബെറി പറിക്കുന്നതിനിടയിലാണ് വെള്ളം കോരാനായി സ്ഥാപിച്ച അടപ്പ് തെന്നിമാറിയത് .
ഈ വിടവിലൂടെ മുനവ്വറലി ഞൊടിയിണയിൽ കിണറ്റിലേക്ക് പതിക്കുകയായിരുന്നു . കുറച്ച് നേരം ഗ്രിൽസിൽ പിടിച്ച് കുട്ടിത്തൂങ്ങി നിന്നതായും പിന്നീട് പിടിവിട്ട് വെള്ളത്തിലേക്ക് വീഴുകയിരുന്നുവെന്നും ഒപ്പമുണ്ടായിരുന്ന കുട്ടികൾ പറയുന്നുണ്ട് .
കുട്ടികളുടെ ബഹളം കേട്ട് ഓടിക്കൂടിയ നാട്ടുകാർ ഉടൻ രക്ഷാപ്രവർത്തനം നടത്തി കുട്ടിയെ കല്ലാച്ചിയിലെ സ്വകാര്യ ആശുപത്രിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല .
#well #tragedy #old #boy #death #mamunderi #valayam #nadapuram
.jpg)
