പുറമേരി : ( nadapuramnews.in) പുറമേരിയിലെ എട്ടാം വാർഡിൽ അരൂർ നടക്കുമീത്തൽ പ്രവൃത്തി പൂർത്തീകരിച്ച നാല് ഗ്രാമീണ റോഡുകൾ ഗ്രാമപഞ്ചായത്ത് പ്രസിഡൻ്റ് വി.കെ ജ്യോതി ലക്ഷ്‌മി ഉദ്ഘാടനം ചെയ്തു .
മലയാടപ്പൊയിൽ ഇൻഡോർ സ്റ്റേഡിയം റോഡിന് 15 ലക്ഷം രൂപയാണ് വകയിരുത്തിയത്. കയ്യടിമുക്ക് -മലയിൽ റോഡ്, പഞ്ചായത്ത് ചരളിൽ മുക്ക് - മൊട്ടേമ്മൽ റോഡ്, മണ്ടോത്തറ -കുയ്യടി റോഡ് എന്നീ റോഡുകൾ ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപെടുത്തിയുമാണ് പ്രവൃത്തി പൂർത്തീകരിച്ചത്.
ഇൻഡോർ സ്റ്റേഡിയം സൈറ്റിൽ നടത്തിയ ചടങ്ങിൽ വാർഡ് മെമ്പർ വി .ടി ഗംഗാധരൻ അധ്യക്ഷത വഹിച്ചു. വാർഡ് കൺവീനർ ടി പി സജീവൻ, ഒ പി വിജേഷ്, ടി കെ ഷാജു എന്നിവർ സംബന്ധിച്ചു.
Four roads inaugurated purameri Panchayath
