---
title: "സർഗാലയയിൽ വർണ്ണക്കാഴ്ചകളുടെ പൂക്കാലം; വർണ്ണവിസ്മയമൊരുക്കി ഫ്ലവർഷോ"
english_title: "Sargalaya Flower Show"
publisher: "nadapuramnews.in"
canonical_url: "https://nadapuram.truevisionnews.com/news/334015/sargalaya-flower-show"
published_at: "2025-12-31T12:09:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6954c9dfc802f_pooo.jpg"
keywords: []
---

# സർഗാലയയിൽ വർണ്ണക്കാഴ്ചകളുടെ പൂക്കാലം; വർണ്ണവിസ്മയമൊരുക്കി ഫ്ലവർഷോ

> **Lead Summary:** **നാദാപുരം: [[nadapuram.truevisionnews.com]] **ഇരിങ്ങൽ സർഗാലയയിലെ കരകൗശല ഗ്രാമത്തിൽ ഇപ്പോൾ പൂക്കളുടെയും വർണ്ണങ്ങളുടെയും ഉത്സവമാണ്. 'സന്മനസ്സുള്ളവർക്ക് സമാധാനം' എന്ന സിനിമയിലെ ശ്രീനിവാസന്റെ പാട്ടുപോലെ, പ്രകൃതിഭംഗിയും പൂക്കളുടെ ഗന്ധവും നിറഞ്ഞ ഒരു സ്വപ്നഭൂമിയായി ഇവിടം മാറിയിരിക്കുന്നു.

## Article Content

**നാദാപുരം: [[nadapuram.truevisionnews.com]] **ഇരിങ്ങൽ സർഗാലയയിലെ കരകൗശല ഗ്രാമത്തിൽ ഇപ്പോൾ പൂക്കളുടെയും വർണ്ണങ്ങളുടെയും ഉത്സവമാണ്. 'സന്മനസ്സുള്ളവർക്ക് സമാധാനം' എന്ന സിനിമയിലെ ശ്രീനിവാസന്റെ പാട്ടുപോലെ, പ്രകൃതിഭംഗിയും പൂക്കളുടെ ഗന്ധവും നിറഞ്ഞ ഒരു സ്വപ്നഭൂമിയായി ഇവിടം മാറിയിരിക്കുന്നു.

പതിനായിരം ചതുരശ്ര അടിയിൽ പരന്നുകിടക്കുന്ന ഒരു വലിയ നഴ്സറിയാണ് ഇവിടെയുള്ളത്. കേവലം ചെടിച്ചട്ടികൾ നിരത്തി വെക്കുകയല്ല, മറിച്ച് കയറ്റവും ഇറക്കവും പുൽത്തകിടികളുമുള്ള ഒരു ഉദ്യാനം പോലെയാണ് ഇത് ഒരുക്കിയിരിക്കുന്നത്.

കുറ്റ്യാടിപ്പുഴയുടെ തീരത്തുള്ള ഈ മേളയിൽ ഫോട്ടോ എടുക്കാൻ ഒട്ടേറെ സ്പോട്ടുകൾ, ഊഞ്ഞാലുകൾ, കാളവണ്ടി, സൈക്കിൾ, ജലധാരകൾ എന്നിവയുണ്ട്. രാത്രിയായാൽ വർണ്ണവിളക്കുകളാൽ പ്രദേശം കൂടുതൽ സുന്ദരമാകും.

ആസ്റ്റർ, ഡയാന്തസ്, ജമന്തി, ഡാലിയ, റോസാപ്പൂക്കൾ എന്നിങ്ങനെ വൈവിധ്യമാർന്ന പുഷ്പങ്ങൾക്കൊപ്പം മനോഹരമായ ഇലച്ചെടികളും ഇവിടെ വിരിഞ്ഞുനിൽക്കുന്നു. വിവിധയിനം മാവ്, പ്ലാവ്, പേര തുടങ്ങിയ ഫലവൃക്ഷത്തൈകളും ഗുണമേറിയ വിത്തുകളും ഇവിടെ ലഭ്യമാണ്. ഇവ വളർത്തിയെടുക്കാനുള്ള വിദഗ്ധ സഹായവും കൃഷിഭവൻ അധികൃതർ നൽകുന്നുണ്ട്.

പിണറായി കൃഷിഭവന് കീഴിലുള്ള 'പിണറായി പൂക്കൾ കൃഷിക്കൂട്ടം' ആണ് ഈ മനോഹരമായ ഫ്ലവർ ഷോ ഒരുക്കിയിരിക്കുന്നത്. പ്രകൃതിഭംഗിയും കരവിരുതും ഒത്തുചേരുന്ന ഈ മേള സന്ദർശകർക്ക് പുതിയൊരു അനുഭവം നൽകുന്നു.

### Related Links & Sources
- [Original Story Source](https://nadapuram.truevisionnews.com/news/334015/sargalaya-flower-show)