---
title: "മന്ത്രിക്കെതിരായ അതിക്രമം: കല്ലാച്ചിയിൽ പ്രതിഷേധം; ഹീനമായ നടപടിയെന്ന് സി.പി.ഐ.എം"
english_title: "Protest in Nadapuram over attack on minister"
publisher: "nadapuramnews.in"
canonical_url: "https://nadapuram.truevisionnews.com/news/344309/protest-in-nadapuram-over-attack-on-minister"
published_at: "2026-02-26T10:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/699fd86667005_nada1.jpg"
keywords: []
---

# മന്ത്രിക്കെതിരായ അതിക്രമം: കല്ലാച്ചിയിൽ പ്രതിഷേധം; ഹീനമായ നടപടിയെന്ന് സി.പി.ഐ.എം

> **Lead Summary:** **നാദാപുരം: [** ആരോഗ്യ മന്ത്രി വീണാ ജോർജിനെതിരെ കെഎസ്‌യു നേതൃത്വത്തിൽ ഉണ്ടായ ആക്രമണത്തിൽ പ്രതിഷേധിച്ച് ജില്ലയുടെ വിവിധ ഭാഗങ്ങളിൽ വ്യാപകമായ പ്രതിഷേധ പ്രകടനങ്ങൾ നടന്നു.

## Article Content

**നാദാപുരം: [** ആരോഗ്യ മന്ത്രി വീണാ ജോർജിനെതിരെ കെഎസ്‌യു നേതൃത്വത്തിൽ ഉണ്ടായ ആക്രമണത്തിൽ പ്രതിഷേധിച്ച് ജില്ലയുടെ വിവിധ ഭാഗങ്ങളിൽ വ്യാപകമായ പ്രതിഷേധ പ്രകടനങ്ങൾ നടന്നു.

സിപിഐ എം നേതൃത്വത്തിൽ ബ്രാഞ്ച്, ലോക്കൽ, ഏരിയാ കേന്ദ്രങ്ങളിൽ സംഘടിപ്പിച്ച പ്രതിഷേധങ്ങളിൽ വലിയ ജനപങ്കാളിത്തമാണ് ദൃശ്യമായത്. മന്ത്രിക്കെതിരെയുണ്ടായ ഈ അതിക്രമത്തെ ജനങ്ങളെ അണിനിരത്തി ശക്തമായി നേരിടുമെന്ന് രാഷ്ട്രീയ നേതാക്കൾ പ്രഖ്യാപിച്ചു.

നാദാപുരം മേഖലയിൽ ജനാധിപത്യ മഹിളാ അസോസിയേഷൻ ഏരിയാ കമ്മിറ്റിയുടെ നേതൃത്വത്തിൽ കല്ലാച്ചിയിൽ വലിയ പ്രതിഷേധ പ്രകടനം സംഘടിപ്പിച്ചു. ഏരിയാ സെക്രട്ടറി കെ ശ്യാമള, പ്രസിഡന്റ് ലത എന്നിവരടക്കമുള്ള പ്രമുഖ നേതാക്കൾ ചടങ്ങിൽ സംസാരിച്ചു.

ഇതിനുപുറമെ വെള്ളൂർ, വളയം, ചെക്യാട്, വിലങ്ങാട് തുടങ്ങിയ വിവിധ കേന്ദ്രങ്ങളിൽ സിപിഐ എം, ഡിവൈഎഫ്ഐ, മഹിളാ അസോസിയേഷൻ പ്രവർത്തകർ നടത്തിയ പ്രകടനങ്ങളിൽ നൂറുകണക്കിന് ആളുകൾ പ്രതിഷേധമുയർത്തി അണിനിരന്നു.

### Related Links & Sources
- [Original Story Source](https://nadapuram.truevisionnews.com/news/344309/protest-in-nadapuram-over-attack-on-minister)