---
title: "ഇഫ്താർ സംഗമങ്ങൾ സജീവം; നാദാപുരം മേഖലയിൽ മതസൗഹാർദ്ദത്തിന്റെ വിരുന്നൊരുങ്ങി"
english_title: "Iftar gatherings are active in the Nadapuram region."
publisher: "nadapuramnews.in"
canonical_url: "https://nadapuram.truevisionnews.com/news/344339/iftar-gatherings-are-active-in-the-nadapuram-region"
published_at: "2026-02-26T11:57:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/699fe81500b91_NADA4.jpg"
keywords: []
---

# ഇഫ്താർ സംഗമങ്ങൾ സജീവം; നാദാപുരം മേഖലയിൽ മതസൗഹാർദ്ദത്തിന്റെ വിരുന്നൊരുങ്ങി

> **Lead Summary:** **നാദാപുരം: [**[) ]വിശുദ്ധ റമദാൻ മാസത്തിന്റെ തുടക്കത്തിൽ തന്നെ നാട്ടിൻപുറങ്ങളിൽ ഇഫ്താർ സംഗമങ്ങൾ സജീവമായി മാറുന്നു. വിവിധ സംഘടനകളുടെയും സ്ഥാപനങ്ങളുടെയും ആഭിമുഖ്യത്തിൽ വിപുലമായ രീതിയിലാണ് നോമ്പുതുറകൾ സംഘടിപ്പിക്കുന്നത്.

## Article Content

**നാദാപുരം: [**[) ]വിശുദ്ധ റമദാൻ മാസത്തിന്റെ തുടക്കത്തിൽ തന്നെ നാട്ടിൻപുറങ്ങളിൽ ഇഫ്താർ സംഗമങ്ങൾ സജീവമായി മാറുന്നു. വിവിധ സംഘടനകളുടെയും സ്ഥാപനങ്ങളുടെയും ആഭിമുഖ്യത്തിൽ വിപുലമായ രീതിയിലാണ് നോമ്പുതുറകൾ സംഘടിപ്പിക്കുന്നത്.

നാദാപുരം കസ്തൂരികുളത്തെ എയർ ഗൈഡ് ടൂർസ് ആൻഡ് ട്രാവൽസ് സംഘടിപ്പിച്ച സമൂഹ നോമ്പുതുറയിൽ നൂറുകണക്കിന് ആളുകൾ പങ്കെടുത്തു. കുമ്മൻകോട് ഗ്രൗണ്ടിൽ എക്സ്പാൻഷേ കമ്പനി ഒരുക്കിയ ഇഫ്താർ വിരുന്നിൽ ആയിരത്തോളം പേരാണ് എത്തിയത്.

ഇതര മതസ്ഥരുടെ പങ്കാളിത്തം കൊണ്ട് മതസൗഹാർദ്ദത്തിന്റെ വേറിട്ട കാഴ്ചയായി മാറിയ ഈ ചടങ്ങിൽ മുൻ എംഎൽഎ പാറക്കൽ അബ്ദുല്ല, ഗ്രാമപഞ്ചായത്ത് വൈസ് പ്രസിഡന്റ് കെ.എം രഘുനാഥ് തുടങ്ങി നിരവധി രാഷ്ട്രീയ-സാമൂഹിക നേതാക്കൾ പങ്കെടുത്തു.

എക്സ്പാൻഷേ മാനേജിങ് ഡയറക്ടർ സലാഹ് വിലാദപുരം, പാർട്‌ണർ കെ. മുഹമ്മദ് സാലി എന്നിവർ അതിഥികളെ സ്വീകരിച്ചു. എടച്ചേരി തോട്ടോളി ശാഖ വനിതാ ലീഗ് കമ്മിറ്റിയുടെ നേതൃത്വത്തിലും ഇഫ്താർ സംഗമം സംഘടിപ്പിച്ചു.

വനിതാ ലീഗ് മണ്ഡലം സെക്രട്ടറി കെ.പി സലീന ഉദ്ഘാടനം ചെയ്ത ചടങ്ങിൽ നസ്രിയ റിയാസ് മുല്ലേരിന്റവിട അധ്യക്ഷത വഹിച്ചു. ഫാത്തിമ നഹദിയ മുഖ്യപ്രഭാഷണം നടത്തി. ശരീഫ വി, ആയിഷ പി.കെ, സറീന, ജസീല കോഴിതിരുത്തി, റഹ്മത്ത് കെ.പി തുടങ്ങിയവർ ചടങ്ങുകൾക്ക് നേതൃത്വം നൽകി.

### Related Links & Sources
- [Original Story Source](https://nadapuram.truevisionnews.com/news/344339/iftar-gatherings-are-active-in-the-nadapuram-region)