---
title: "പാറക്കടവ് ശിഹാബ് തങ്ങൾ ഡയാലിസിസ് സെന്റർ വളണ്ടിയർമാരെ ആദരിച്ചു"
english_title: "Parakkadavu Shihab Thangal Dialysis Center volunteers honored"
publisher: "nadapuramnews.in"
canonical_url: "https://nadapuram.truevisionnews.com/news/344349/parakkadavu-shihab-thangal-dialysis-center-volunteers-honored"
published_at: "2026-02-26T12:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/699fee97f35c9_nada6.jpg"
keywords: []
---

# പാറക്കടവ് ശിഹാബ് തങ്ങൾ ഡയാലിസിസ് സെന്റർ വളണ്ടിയർമാരെ ആദരിച്ചു

> **Lead Summary:** **നാദാപുരം: [** മുസ്ലിം സമുദായത്തിന് സുരക്ഷിതബോധവും ആത്മാഭിമാനവും പകർന്നുനൽകുന്നതിൽ മുസ്ലിം ലീഗ് വഹിച്ച പങ്ക് നിർണ്ണായകമാണെന്ന് സംസ്ഥാന വൈസ് പ്രസിഡന്റ് ഉമ്മർ പാണ്ടികശാല പ്രസ്താവിച്ചു.

## Article Content

**നാദാപുരം: [** മുസ്ലിം സമുദായത്തിന് സുരക്ഷിതബോധവും ആത്മാഭിമാനവും പകർന്നുനൽകുന്നതിൽ മുസ്ലിം ലീഗ് വഹിച്ച പങ്ക് നിർണ്ണായകമാണെന്ന് സംസ്ഥാന വൈസ് പ്രസിഡന്റ് ഉമ്മർ പാണ്ടികശാല പ്രസ്താവിച്ചു.

രാഷ്ട്രീയ പ്രവർത്തനങ്ങൾക്കപ്പുറം ജീവകാരുണ്യ മേഖലയിൽ സമാനതകളില്ലാത്ത പ്രവർത്തനങ്ങളാണ് പാർട്ടി കാഴ്ചവെക്കുന്നതെന്നും അദ്ദേഹം കൂട്ടിച്ചേർത്തു. പാറക്കടവ് ശിഹാബ് തങ്ങൾ ഡയാലിസിസ് സെന്ററിലെ വളണ്ടിയർമാരെ ആദരിക്കുന്നതിനായി നാദാപുരം ലീഗ് ഹൗസിൽ സംഘടിപ്പിച്ച ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ഈ മാസം അഞ്ചാം തീയതി നടന്ന 'സ്ത്രീ വിരുന്ന്' പരിപാടിയിൽ മികച്ച സേവനം കാഴ്ചവെച്ച വളണ്ടിയർമാർക്ക് ചടങ്ങിൽ വെച്ച് അദ്ദേഹം ഉപഹാരങ്ങൾ കൈമാറി. പരിപാടിയുടെ സംഘാടനത്തിലും സേവന പ്രവർത്തനങ്ങളിലും വളണ്ടിയർമാർ പുലർത്തിയ മികവിനെ അദ്ദേഹം പ്രത്യേകം അഭിനന്ദിച്ചു.

ചടങ്ങിൽ ഡയാലിസിസ് സെന്റർ ചെയർമാൻ എം.പി. അബ്ദുള്ള ഹാജി അധ്യക്ഷത വഹിച്ചു. ജനറൽ സെക്രട്ടറി സൂപ്പി നരിക്കാട്ടേരി സ്വാഗതം ആശംസിച്ചു. യു.ഡി.എഫ് ജില്ലാ കൺവീനർ അഹമ്മദ് പുന്നക്കൽ, മുഹമ്മദ് ബംഗ്ലത്ത്, എം.പി. ജാഫർ മാസ്റ്റർ, എം.പി. സൂപ്പി, എ. ആമിന ടീച്ചർ, മഹമൂദ് തൊടുവയിൽ തുടങ്ങിയ പ്രമുഖ നേതാക്കൾ ചടങ്ങിൽ സംബന്ധിച്ചു.

വി.വി. മുഹമ്മദലി, എം.കെ. അഷ്റഫ്, അഹമ്മദ് കുറുവയിൽ, ഷഫീഖ് പള്ളിക്കൽ തുടങ്ങി പ്രാദേശിക രാഷ്ട്രീയ-സാമൂഹിക രംഗത്തെ നിരവധി പേർ പരിപാടിയുടെ ഭാഗമായി.

### Related Links & Sources
- [Original Story Source](https://nadapuram.truevisionnews.com/news/344349/parakkadavu-shihab-thangal-dialysis-center-volunteers-honored)