---
title: "'യു.ഡി.എഫ് മടങ്ങിവരേണ്ടത് കാലഘട്ടത്തിന്റെ ആവശ്യം'; കല്ലാച്ചിയിൽ പ്രഖ്യാപനവുമായി സി.എം.പി"
english_title: "CMP makes announcement in Kallachi"
publisher: "nadapuramnews.in"
canonical_url: "https://nadapuram.truevisionnews.com/news/345092/cmp-makes-announcement-in-kallachi"
published_at: "2026-03-02T11:55:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69a52d95e670e_nada3.jpg"
keywords: []
---

# 'യു.ഡി.എഫ് മടങ്ങിവരേണ്ടത് കാലഘട്ടത്തിന്റെ ആവശ്യം'; കല്ലാച്ചിയിൽ പ്രഖ്യാപനവുമായി സി.എം.പി

> **Lead Summary:** **കല്ലാച്ചി: [ **കല്ലാച്ചിയിൽ നടന്ന സി.എം.പി വടകര താലൂക്ക് കൺവെൻഷനിൽ, വരാനിരിക്കുന്ന ഭരണമാറ്റത്തിന്റെ പ്രസക്തിയെക്കുറിച്ച് ഗൗരവമായ ചർച്ചകൾ ഉയർന്നു.

## Article Content

**കല്ലാച്ചി: [ **കല്ലാച്ചിയിൽ നടന്ന സി.എം.പി വടകര താലൂക്ക് കൺവെൻഷനിൽ, വരാനിരിക്കുന്ന ഭരണമാറ്റത്തിന്റെ പ്രസക്തിയെക്കുറിച്ച് ഗൗരവമായ ചർച്ചകൾ ഉയർന്നു.

നിലവിലെ രാഷ്ട്രീയ സാഹചര്യത്തിൽ യു.ഡി.എഫ് അധികാരത്തിൽ തിരിച്ചെത്തേണ്ടത് കാലഘട്ടത്തിന്റെ അനിവാര്യതയാണെന്ന് കൺവെൻഷൻ ഐക്യകണ്ഠേന അഭിപ്രായപ്പെട്ടു. ഇതിനായി സജീവമായി രംഗത്തിറങ്ങാനും പാർട്ടിയെ സജ്ജമാക്കാനും സമ്മേളനം തീരുമാനമെടുത്തു.

സി.എം.പി കോഴിക്കോട് ജില്ലാ സെക്രട്ടറി കെ. ബാലഗംഗാധരനാണ് കൺവെൻഷൻ ഉദ്ഘാടനം ചെയ്തത്. എൻ. രാജരാജൻ അധ്യക്ഷത വഹിച്ച ചടങ്ങിൽ പാർട്ടി സംസ്ഥാന കമ്മിറ്റി അംഗങ്ങളായ വിനോദ് കോഴിക്കാട്, കരുണൻ കൊയിലാണ്ടി തുടങ്ങിയ പ്രമുഖ നേതാക്കൾ സംസാരിച്ചു.

സുനിത ടീച്ചർ, ശശി കൂർക്കയിൽ, ബാലൻ പുറമേരി, കളത്തിൽ ബാബു, മഹേഷ് ചുഴലി, സുരേഷ് ഏരത്ത്, സുരേഷ് മണിയൂർ എന്നിവരും ചടങ്ങിൽ സംബന്ധിക്കുകയും രാഷ്ട്രീയ പോരാട്ടത്തിന് ഐക്യദാർഢ്യം പ്രഖ്യാപിക്കുകയും ചെയ്തു.

### Related Links & Sources
- [Original Story Source](https://nadapuram.truevisionnews.com/news/345092/cmp-makes-announcement-in-kallachi)