---
title: "നാദാപുരത്ത് ജോയിന്റ് കൗൺസിൽ ജില്ലാ സമ്മേളനം ഉദ്ഘാടനം ചെയ്തു"
english_title: "Joint Council District Conference inaugurated in Nadapuram"
publisher: "nadapuramnews.in"
canonical_url: "https://nadapuram.truevisionnews.com/news/346164/joint-council-district-conference-inaugurated-in-nadapuram"
published_at: "2026-03-07T11:24:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69abbde7d2618_N2.jpg"
keywords: []
---

# നാദാപുരത്ത് ജോയിന്റ് കൗൺസിൽ ജില്ലാ സമ്മേളനം ഉദ്ഘാടനം ചെയ്തു

> **Lead Summary:** **നാദാപുരം:[ **നാദാപുരത്ത് നടന്ന ജോയിന്റ് കൗൺസിൽ ജില്ലാ സമ്മേളനം സി.പി.ഐ ജില്ലാ സെക്രട്ടറി പി. ഗവാസ് ഉദ്ഘാടനം ചെയ്തു. മഹാകവി മോയിൻകുട്ടി സ്മാരക ഹാളിൽ വെച്ച് നടന്ന ഈ സമ്മേളനത്തിന് ജില്ലാ പ്രസിഡന്റ് കെ. ഷിജു അധ്യക്ഷത വഹിച്ചു.

## Article Content

**നാദാപുരം:[ **നാദാപുരത്ത് നടന്ന ജോയിന്റ് കൗൺസിൽ ജില്ലാ സമ്മേളനം സി.പി.ഐ ജില്ലാ സെക്രട്ടറി പി. ഗവാസ് ഉദ്ഘാടനം ചെയ്തു. മഹാകവി മോയിൻകുട്ടി സ്മാരക ഹാളിൽ വെച്ച് നടന്ന ഈ സമ്മേളനത്തിന് ജില്ലാ പ്രസിഡന്റ് കെ. ഷിജു അധ്യക്ഷത വഹിച്ചു.

സംഘടനയുടെ പ്രവർത്തന റിപ്പോർട്ട് ജില്ലാ സെക്രട്ടറി പി. സുനിൽകുമാറും, സാമ്പത്തിക റിപ്പോർട്ട് ട്രഷറർ ടി.എം. വിജീഷും അവതരിപ്പിച്ചു. സമ്മേളന നടപടികളുടെ ഭാഗമായി മനോജ് പാറപ്പുറത്ത് രക്തസാക്ഷി പ്രമേയവും ദീപ്തി കെ.പി. അനുശോചന പ്രമേയവും വായിച്ചു.

സംസ്ഥാന-ജില്ലാ ഭാരവാഹികളായ എസ്. സജീവ്, വി.വി. ഹാപ്പി, വി. ബാലകൃഷ്ണൻ, കെ. അജിന, എസ്.എസ്.പി.സി സംസ്ഥാന വൈസ് പ്രസിഡന്റ് അഹമ്മദ് കുട്ടി കുന്നത്ത്, ബി.ബി. ബിനീഷ്, പി. റാം മനോഹർ, സി.പി. മണി, രത്നദാസ് ടി. ടി., അബ്ദുൾ ജലീൽ, എം. രതീഷ് തുടങ്ങിയവർ ചടങ്ങിൽ സംസാരിച്ചു.

സമ്മേളനത്തിൽ തെരഞ്ഞെടുക്കപ്പെട്ട പുതിയ ഭാരവാഹികൾ ഇവരാണ്: കെ. ഷിജുവിനെ പ്രസിഡന്റായും പി. റാം മനോഹറിനെ സെക്രട്ടറിയായും തിരഞ്ഞെടുത്തു. ടി.എം. വിജീഷ്, എം.കെ. പ്രമീള, എ. ശ്രീജിത്ത് എന്നിവരാണ് വൈസ് പ്രസിഡന്റുമാർ.

ജോയിന്റ് സെക്രട്ടറിമാരായി എൽ. വി. ബാബു, മനോജ്കുമാർ പാറപ്പുറത്ത്, ടി. അബ്ദുൾ ജലീൽ എന്നിവരെയും ട്രഷററായി ദീപ്തി കെ.പി.യെയും തിരഞ്ഞെടുത്തു.

### Related Links & Sources
- [Original Story Source](https://nadapuram.truevisionnews.com/news/346164/joint-council-district-conference-inaugurated-in-nadapuram)