---
title: "തിരഞ്ഞെടുപ്പ് ചൂട്; നാദാപുരത്ത് യുഡിഎഫ് ബൂത്ത് കൺവെൻഷനുകൾക്ക് തുടക്കമായി"
english_title: "UDF booth conventions begin in Nadapuram-new"
publisher: "nadapuramnews.in"
canonical_url: "https://nadapuram.truevisionnews.com/news/350229/udf-booth-conventions-begin-in-nadapuram-new-update-new"
published_at: "2026-03-28T12:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69c77cc327e1c_nada5.jpg"
keywords: []
---

# തിരഞ്ഞെടുപ്പ് ചൂട്; നാദാപുരത്ത് യുഡിഎഫ് ബൂത്ത് കൺവെൻഷനുകൾക്ക് തുടക്കമായി

> **Lead Summary:** **നാദാപുരം: [** വരാനിരിക്കുന്ന തിരഞ്ഞെടുപ്പ് പ്രചാരണത്തിന്റെ ഭാഗമായി നാദാപുരം പഞ്ചായത്തിൽ യു.ഡി.എഫ് ബൂത്ത് കൺവെൻഷനുകൾക്ക് ആവേശകരമായ തുടക്കമായി.

## Article Content

**നാദാപുരം: [** വരാനിരിക്കുന്ന തിരഞ്ഞെടുപ്പ് പ്രചാരണത്തിന്റെ ഭാഗമായി നാദാപുരം പഞ്ചായത്തിൽ യു.ഡി.എഫ് ബൂത്ത് കൺവെൻഷനുകൾക്ക് ആവേശകരമായ തുടക്കമായി.

237, 238, 239 എന്നീ ബൂത്തുകളുടെ സംയുക്ത കൺവൻഷൻ നിയോജക മണ്ഡലം തിരഞ്ഞെടുപ്പ് കമ്മിറ്റി ജോയിന്റ് കൺവീനർ എം.കെ. അഷ്റഫ് ഉദ്ഘാടനം ചെയ്തു. താഴെത്തട്ടിലുള്ള പ്രവർത്തനങ്ങൾ ഏകോപിപ്പിക്കുന്നതിനും സ്ഥാനാർത്ഥിയുടെ വിജയം ഉറപ്പാക്കുന്നതിനുമായാണ് ഇത്തരം ബൂത്ത് തല സംഗമങ്ങൾ സംഘടിപ്പിക്കുന്നത്.

ഏരത്ത് അബൂബക്കർ ഹാജിയുടെ അധ്യക്ഷതയിൽ നടന്ന ചടങ്ങിൽ നാദാപുരം ഗ്രാമപഞ്ചായത്ത് മുൻ പ്രസിഡന്റ് വി.വി. മുഹമ്മദലി മുഖ്യപ്രഭാഷണം നടത്തി. വോട്ടർമാരെ നേരിൽ കണ്ട് വികസന നേട്ടങ്ങൾ വിശദീകരിക്കാൻ പ്രവർത്തകർ സജീവമായി രംഗത്തിറങ്ങണമെന്ന് യോഗം ആഹ്വാനം ചെയ്തു.

യൂത്ത് ലീഗ് മണ്ഡലം പ്രസിഡന്റ് വി. അബ്ദുൽ ജലീൽ, കോൺഗ്രസ് ബ്ലോക്ക് സെക്രട്ടറി പ്രേമൻ മാസ്റ്റർ, ഹസ്സൻ ചാലിൽ തുടങ്ങിയ പ്രമുഖ നേതാക്കൾ പരിപാടിയിൽ സംസാരിച്ചു. അഷ്റഫ് പറമ്പത്ത്, രൂപേഷ്, അനീഷ്, ആര്യപ്പറ്റ അബൂബക്കർ, എരോത്ത് മൊയ്തു ഹാജി, ടി.കെ. റഫീഖ് എന്നിവരും ചടങ്ങിൽ സംബന്ധിച്ചു.

### Related Links & Sources
- [Original Story Source](https://nadapuram.truevisionnews.com/news/350229/udf-booth-conventions-begin-in-nadapuram-new-update-new)