---
title: "നാദാപുരത്ത് പ്രവചനാതീത പോരാട്ടം; ഷാഫി മോഡൽ തരംഗവുമായി അഭിജിത്ത്, സി.പി.ഐയുടെ ഉറച്ച മണ്ണിൽ മാറ്റത്തിന്റെ കാറ്റോ?"
english_title: "Unpredictable fight in Nadapuram"
publisher: "nadapuramnews.in"
canonical_url: "https://nadapuram.truevisionnews.com/news/351659/unpredictable-fight-in-nadapuram"
published_at: "2026-04-05T11:26:00+05:30"
category: "Nadapuram Special"
language: "ml"
image: "https://cf.zdn.im/img/truevisionnews.com/0/image-uploads/69d1fb5ff0a02_nada2.jpg"
keywords: []
---

# നാദാപുരത്ത് പ്രവചനാതീത പോരാട്ടം; ഷാഫി മോഡൽ തരംഗവുമായി അഭിജിത്ത്, സി.പി.ഐയുടെ ഉറച്ച മണ്ണിൽ മാറ്റത്തിന്റെ കാറ്റോ?

> **Lead Summary:** **നാദാപുരം:[ **[ ] വിരലിലെ മഷി മാഞ്ഞുപോകുന്നതിന് മുൻപേ നാദാപുരം മണ്ഡലം മറ്റൊരു വാശിയേറിയ തിരഞ്ഞെടുപ്പ് പോരാട്ടത്തിലേക്ക് കടന്നിരിക്കുകയാണ്. വോട്ടെടുപ്പിന് ഇനി മൂന്ന് നാൾ മാത്രം ബാക്കിനിൽക്കെ, നാടും നഗരവും ഭരണമാറ്റത്തെക്കുറിച്ചുള്ള സജീവമായ ചർച്ചകളിലാണ്.

## Article Content

**നാദാപുരം:[ **[ ] വിരലിലെ മഷി മാഞ്ഞുപോകുന്നതിന് മുൻപേ നാദാപുരം മണ്ഡലം മറ്റൊരു വാശിയേറിയ തിരഞ്ഞെടുപ്പ് പോരാട്ടത്തിലേക്ക് കടന്നിരിക്കുകയാണ്. വോട്ടെടുപ്പിന് ഇനി മൂന്ന് നാൾ മാത്രം ബാക്കിനിൽക്കെ, നാടും നഗരവും ഭരണമാറ്റത്തെക്കുറിച്ചുള്ള സജീവമായ ചർച്ചകളിലാണ്.

കഴിഞ്ഞ പത്ത് വർഷത്തെ എൽ.ഡി.എഫ് ഭരണത്തിന്റെ നേട്ടങ്ങളും കോട്ടങ്ങളും ഇവിടുത്തെ ചായക്കടകളിലും കവലകളിലും പ്രധാന സംസാരവിഷയമായി മാറിക്കഴിഞ്ഞു. വി.വി. ദക്ഷിണാമൂർത്തി മുതൽ ഇ.കെ. വിജയൻ വരെയുള്ളവരിലൂടെ ഇടതുപക്ഷം കെട്ടിപ്പടുത്ത ഈ ചുവപ്പൻ കോട്ടയിൽ ഇത്തവണ മാറ്റത്തിന്റെ കാറ്റ് വീശുമോ എന്നാണ് ഏവരും ഉറ്റുനോക്കുന്നത്.

1957 മുതൽ സി.പി.ഐയുടെ കരുത്തുറ്റ മണ്ണായിരുന്ന നാദാപുരത്ത് 1960-ൽ ഹമീദ് അൻഷാദിലൂടെ മുസ്ലിം ലീഗ് ചരിത്രം കുറിച്ചിരുന്നു. പിന്നീട് സത്യൻ മൊഗേരിയിലൂടെയും ബിനോയ് വിശ്വത്തിലൂടെയും ഇടത് മുന്നണി തിരിച്ചുപിടിച്ച മണ്ഡലമാണിത്.

പഴയകാലത്ത് പാർട്ടി ചിഹ്നം മാത്രം നോക്കി വോട്ട് ചെയ്തിരുന്ന രാഷ്ട്രീയ ബോധത്തിൽ നിന്ന് മാറി, വ്യക്തിപ്രഭാവത്തിനും യുവത്വത്തിനും പ്രാധാന്യം നൽകുന്ന ഒരു പുതിയ വോട്ടിംഗ് രീതിയിലേക്ക് നാദാപുരം മാറിക്കഴിഞ്ഞു.

അടുത്തിടെ വടകര ലോകസഭാ മണ്ഡലത്തിൽ ഷാഫി പറമ്പിൽ ഉണ്ടാക്കിയ തരംഗം ഇതിനൊരു വലിയ ഉദാഹരണമാണ്. കുട്ടികൾ മുതൽ മുതിർന്നവർ വരെ ഒരുപോലെ നെഞ്ചിലേറ്റിയ ഷാഫിയുടെ അതേ ശൈലിയിലാണ് യു.ഡി.എഫ് സ്ഥാനാർത്ഥി അഭിജിത്തും മണ്ഡലത്തിൽ മുന്നേറുന്നത്.

നാദാപുരത്തിന്റെ ഓരോ മുക്കിലും മൂലയിലും അഭിജിത്ത് നടത്തുന്ന പ്രചാരണം വടകരയിലെ 'ഷാഫി ഓളത്തിന്' സമാനമായ ഒരു പ്രതീതി സൃഷ്ടിച്ചിട്ടുണ്ട്. തിരഞ്ഞെടുപ്പ് റാലികളിലെ ജനപങ്കാളിത്തം മാത്രം നോക്കി വിജയിയെ പ്രവചിക്കാനാവില്ലെന്ന് കഴിഞ്ഞ വടകര തിരഞ്ഞെടുപ്പ് തെളിയിച്ചതാണ്.

ശൈലജ ടീച്ചറുടെ പ്രചാരണങ്ങളിൽ ആയിരങ്ങൾ അണിനിരന്നിട്ടും ഒടുവിൽ വിജയം ഷാഫിക്കൊപ്പമായിരുന്നു. സമാനമായ ഒരു അട്ടിമറി ഇത്തവണ നാദാപുരത്തും സംഭവിക്കുമെന്ന് യു.ഡി.എഫ് ക്യാമ്പ് ഉറച്ചു വിശ്വസിക്കുന്നു.

85 ശതമാനം വിജയസാധ്യതയും 4200 വോട്ടിന്റെ ഭൂരിപക്ഷവും പ്രവചിക്കപ്പെടുമ്പോൾ, കടത്തനാടിന്റെ മണ്ണിൽ വസന്തം വിരിയുമോ അതോ യുവത്വം വിരിയുമോ എന്ന് അറിയാൻ ഇനി ദിവസങ്ങൾ മാത്രം ബാക്കി.

### Related Links & Sources
- [Original Story Source](https://nadapuram.truevisionnews.com/news/351659/unpredictable-fight-in-nadapuram)