---
title: "ഖുർആൻ പാരായണം; ഷഹ്സാദ് നിസാറിന് ദേശീയ തലത്തിൽ ഒന്നാം സ്ഥാനം"
english_title: "Shahzad Nisar wins first place in Quran recitation competition"
publisher: "nadapuramnews.in"
canonical_url: "https://nadapuram.truevisionnews.com/news/354327/shahzad-nisar-wins-first-place-in-quran-recitation-competition"
published_at: "2026-04-20T10:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69e5b21a9eeaf_nada2.jpg"
keywords: []
---

# ഖുർആൻ പാരായണം; ഷഹ്സാദ് നിസാറിന് ദേശീയ തലത്തിൽ ഒന്നാം സ്ഥാനം

> **Lead Summary:** **പുറമേരി: [ **ഹൈദരാബാദിൽ നടന്ന അഖിലേന്ത്യാ ഖുർആൻ പാരായണ മത്സരത്തിൽ മികച്ച നേട്ടം കൈവരിച്ച് പുറമേരി സ്വദേശി. വിലാതപുരം സ്വദേശിയായ ഹാഫിസ് ഷഹ്സാദ് നിസാർ ആണ് രാജ്യത്തിന്റെ വിവിധ ഭാഗങ്ങളിൽ നിന്നായി എത്തിയ തൊള്ളായിരത്തോളം മത്സരാർത്ഥികളെ പിന്തള്ളി ഒന്നാം സ്ഥാനം കരസ്ഥമാക്കിയത്.

## Article Content

**പുറമേരി: [ **ഹൈദരാബാദിൽ നടന്ന അഖിലേന്ത്യാ ഖുർആൻ പാരായണ മത്സരത്തിൽ മികച്ച നേട്ടം കൈവരിച്ച് പുറമേരി സ്വദേശി. വിലാതപുരം സ്വദേശിയായ ഹാഫിസ് ഷഹ്സാദ് നിസാർ ആണ് രാജ്യത്തിന്റെ വിവിധ ഭാഗങ്ങളിൽ നിന്നായി എത്തിയ തൊള്ളായിരത്തോളം മത്സരാർത്ഥികളെ പിന്തള്ളി ഒന്നാം സ്ഥാനം കരസ്ഥമാക്കിയത്.

മാക്കൂൽ പീടിക ചാളക്കൽ നിസാറിന്റെയും വിലാതപുരം നെരോത്ത് ശംസിദയുടെയും മകനായ ഷഹ്സാദ്, പാണക്കാട് സ്ട്രൈറ്റ് പാത്ത് സ്ഥാപനത്തിലെ വിദ്യാർത്ഥിയാണ്. ദേശീയതലത്തിൽ ശ്രദ്ധേയമായ ഈ നേട്ടം കൈവരിച്ച ഷഹ്സാദ് നിസാറിനെ വിലാതപുരം മഹല്ല് മുസ്ലിം ജമാഅത്ത് കമ്മിറ്റി അഭിനന്ദിച്ചു.

ചടങ്ങിൽ ഖാസി എൻ.കെ. അബ്ദുറഹിമാൻ മുസ്ലിയാർ ജേതാവിന് സ്നേഹോപഹാരം കൈമാറി. വിലാതപുരം മഹല്ലിന് അഭിമാനമായി മാറിയ ഈ വിദ്യാർത്ഥിയെ അനുമോദിക്കാൻ നിരവധി പേരാണ് എത്തിയത്.

### Related Links & Sources
- [Original Story Source](https://nadapuram.truevisionnews.com/news/354327/shahzad-nisar-wins-first-place-in-quran-recitation-competition)