---
title: "മനം കവരും അവധിക്കാലം; കച്ചേരി വായനശാലയുടെ അവധിക്കാല ക്യാമ്പിന് തുടക്കമായി "
english_title: "Concert Library's holiday camp begins"
publisher: "nadapuramnews.in"
canonical_url: "https://nadapuram.truevisionnews.com/news/358084/concert-librarys-holiday-camp-begins"
published_at: "2026-05-08T10:15:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69fd6a5a44ebd_nada2.jpg"
keywords: []
---

# മനം കവരും അവധിക്കാലം; കച്ചേരി വായനശാലയുടെ അവധിക്കാല ക്യാമ്പിന് തുടക്കമായി 

> **Lead Summary:** **നാദാപുരം: [ **കച്ചേരി പൊതുജന വായനശാലയുടെയും കേരള ഗ്രന്ഥശാലാ സംഘത്തിന്റെയും സംയുക്ത ആഭിമുഖ്യത്തിൽ സംഘടിപ്പിക്കുന്ന വായനക്കളരിയും അഞ്ചുദിവസത്തെ അവധിക്കാല ക്യാമ്പും 'മനം കവരും അവധിക്കാലം' എന്ന പേരിൽ ആരംഭിച്ചു.

## Article Content

**നാദാപുരം: [ **കച്ചേരി പൊതുജന വായനശാലയുടെയും കേരള ഗ്രന്ഥശാലാ സംഘത്തിന്റെയും സംയുക്ത ആഭിമുഖ്യത്തിൽ സംഘടിപ്പിക്കുന്ന വായനക്കളരിയും അഞ്ചുദിവസത്തെ അവധിക്കാല ക്യാമ്പും 'മനം കവരും അവധിക്കാലം' എന്ന പേരിൽ ആരംഭിച്ചു.

ജില്ലാ ലൈബ്രറി കൗൺസിൽ സെക്രട്ടറി എൻ. ഉദയനാണ് ക്യാമ്പിന്റെ ഉദ്ഘാടനം നിർവ്വഹിച്ചത്. വാർഡ് മെമ്പർ ടി. കെ. രഞ്ജിത്ത് കുമാർ അധ്യക്ഷനായ ചടങ്ങിൽ വായനയുടെ പ്രാധാന്യത്തെക്കുറിച്ചും സർഗ്ഗാത്മകമായ അവധിക്കാല വിനിയോഗത്തെക്കുറിച്ചും നേതാക്കൾ സംസാരിച്ചു.

ക്യാമ്പിന്റെ ഭാഗമായി ഭരതൻ കുട്ടോത്തിന്റെ നേതൃത്വത്തിൽ നടന്ന അഭിനയക്കളരി കുട്ടികൾക്ക് പുതിയൊരു അനുഭവമായി മാറി. യു. കുമാരൻ, എം. പി. ശ്രീധരൻ, എ. കെ. ഹരിദാസൻ, കെ. പി. രമേശൻ, പ്രദീപ് കേളോത്ത് തുടങ്ങിയ പ്രമുഖർ ചടങ്ങിൽ സംബന്ധിച്ചു.

വായനശാല സെക്രട്ടറി ഇ. എം. രാജീവ് സ്വാഗതം ആശംസിച്ച ചടങ്ങിൽ പ്രസിഡന്റ് ഇ. കെ. പവിത്രൻ നന്ദി രേഖപ്പെടുത്തി. കുട്ടികളുടെ കായികവും മാനസികവുമായ വളർച്ചയ്ക്ക് സഹായകമാകുന്ന വൈവിധ്യമാർന്ന പരിപാടികളാണ് വരും ദിവസങ്ങളിൽ ക്യാമ്പിൽ നടക്കുക.

### Related Links & Sources
- [Original Story Source](https://nadapuram.truevisionnews.com/news/358084/concert-librarys-holiday-camp-begins)