---
title: "അഡ്വ.റഹ്മത്തുള്ള എംഎൽഎയ്ക്ക് സ്വീകരണം നൽകാൻ തീരുമാനം; എസ്.ടി.യു നാദാപുരം മണ്ഡലം കൺവെൻഷൻ നടന്നു"
english_title: "content highlights STU Nadapuram Mandalam Convention held"
publisher: "nadapuramnews.in"
canonical_url: "https://nadapuram.truevisionnews.com/news/360636/content-highlights-stu-nadapuram-mandalam-convention-held"
published_at: "2026-05-20T16:36:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a0d95fda4eac_24.jpg"
keywords: ["Latest news", "Nadapuram", "STU Nadapuram Constituency"]
---

# അഡ്വ.റഹ്മത്തുള്ള എംഎൽഎയ്ക്ക് സ്വീകരണം നൽകാൻ തീരുമാനം; എസ്.ടി.യു നാദാപുരം മണ്ഡലം കൺവെൻഷൻ നടന്നു

> **Lead Summary:** **നാദാപുരം: [** എസ്.ടി.യു സംസ്ഥാന പ്രസിഡന്റായി തിരഞ്ഞെടുക്കപ്പെട്ട അഡ്വ. റഹ്മത്തുള്ള എം.എൽ.എയ്ക്ക് നാദാപുരത്ത് പ്രൗഢഗംഭീരമായ സ്വീകരണം നൽകാൻ എസ്.ടി.യു മണ്ഡലം കൺവെൻഷൻ തീരുമാനിച്ചു.

## Article Content

**നാദാപുരം: [** എസ്.ടി.യു സംസ്ഥാന പ്രസിഡന്റായി തിരഞ്ഞെടുക്കപ്പെട്ട അഡ്വ. റഹ്മത്തുള്ള എം.എൽ.എയ്ക്ക് നാദാപുരത്ത് പ്രൗഢഗംഭീരമായ സ്വീകരണം നൽകാൻ എസ്.ടി.യു മണ്ഡലം കൺവെൻഷൻ തീരുമാനിച്ചു.

കല്ലാച്ചി ശിഹാബ് തങ്ങൾ ഓഡിറ്റോറിയത്തിൽ വെച്ചാണ് മണ്ഡലം കൺവെൻഷനും ഭാരവാഹി യോഗവും സംഘടിപ്പിച്ചത്. എസ്.ടി.യു ജില്ലാ വൈസ് പ്രസിഡന്റ് കെ.പി. സലാം കൺവെൻഷന്റെ ഔദ്യോഗിക ഉദ്ഘാടനം നിർവ്വഹിച്ചു.

മണ്ഡലം പ്രസിഡന്റ് ഇ.കെ. കരണ്ടോട് ചടങ്ങിൽ അധ്യക്ഷത വഹിച്ചു. തൊഴിലുറപ്പ് തൊഴിലാളി യൂണിയൻ ജില്ലാ ജനറൽ സെക്രട്ടറി ചന്ദ്രൻ കല്ലൂർ കൺവെൻഷനിൽ മുഖ്യപ്രഭാഷണം നടത്തി.

തൊഴിലാളി സംഘടനകളുടെ മുന്നോട്ടുള്ള പ്രവർത്തനങ്ങളെയും സ്വീകരണ പരിപാടിയുടെ വിജയത്തെയും കുറിച്ച് യോഗത്തിൽ വിപുലമായ ചർച്ചകൾ നടന്നു. ചടങ്ങിൽ പ്രമുഖ നേതാക്കളായ ആലി ഹസ്റ്റൻ വാണിമേൽ, കെ.കെ. സുപ്പി ഹാജി, വി.വി.കെ. ജാതിയേരി, റഫീഖ് കല്ലുമ്മൽ, മൊയ്തു കുറുങ്ങോട്ട്, അസ്‌ഹർ ടി.പി., അബൂബക്കർ ചെക്യാട്, സി.വി.എം. നജ്‌മ, സക്കീന ഹൈദർ, ഇ.കെ. ഇബ്രാഹിം തുടങ്ങിയവർ ആശംസകൾ അർപ്പിച്ചു സംസാരിച്ചു.

മണ്ഡലം ജനറൽ സെക്രട്ടറി ജഅഫർ തുണ്ടിയിൽ സ്വാഗത പ്രസംഗം നടത്തുകയും ട്രഷറർ വി.പി. അബ്‌ദുല്ല ചടങ്ങിൽ പങ്കെടുത്തവർക്ക് നന്ദി രേഖപ്പെടുത്തുകയും ചെയ്തു. 

### Related Links & Sources
- [Original Story Source](https://nadapuram.truevisionnews.com/news/360636/content-highlights-stu-nadapuram-mandalam-convention-held)