---
title: "കല്ലാച്ചിയിൽ സ്വകാര്യ ബസ് സ്കൂട്ടറിന് പിന്നിലിടിച്ചു; കക്കട്ടിൽ സ്വദേശിക്ക് ഗുരുതര പരിക്ക്, ഡ്രൈവർക്കെതിരെ കേസ്"
english_title: "Case filed after private bus hits scooter in Kallachi"
publisher: "nadapuramnews.in"
canonical_url: "https://nadapuram.truevisionnews.com/news/364891/case-filed-after-private-bus-hits-scooter-in-kallachi"
published_at: "2026-06-09T13:48:00+05:30"
category: "News"
language: "ml"
image: "https://nadapuram.truevisionnews.com/image-uploads/6a23f423b9fa6_accident.jpg"
keywords: ["Latest News", "Nadapuram", "Accident", "Kallachi"]
---

# കല്ലാച്ചിയിൽ സ്വകാര്യ ബസ് സ്കൂട്ടറിന് പിന്നിലിടിച്ചു; കക്കട്ടിൽ സ്വദേശിക്ക് ഗുരുതര പരിക്ക്, ഡ്രൈവർക്കെതിരെ കേസ്

> **Lead Summary:** **നാദാപുരം: [** കല്ലാച്ചി - കക്കട്ട് റോഡിൽ പയന്തോങ്ങ് റേഷൻ കടയ്ക്ക് സമീപം സ്വകാര്യ ബസ് ഇലക്ട്രിക് സ്കൂട്ടറിന് പിന്നിലിടിച്ചുണ്ടായ അപകടത്തിൽ യാത്രക്കാരന് ഗുരുതര പരിക്ക്.

## Article Content

**നാദാപുരം: [** കല്ലാച്ചി - കക്കട്ട് റോഡിൽ പയന്തോങ്ങ് റേഷൻ കടയ്ക്ക് സമീപം സ്വകാര്യ ബസ് ഇലക്ട്രിക് സ്കൂട്ടറിന് പിന്നിലിടിച്ചുണ്ടായ അപകടത്തിൽ യാത്രക്കാരന് ഗുരുതര പരിക്ക്.

കക്കട്ടിൽ സ്വദേശിയായ കുന്നുമ്മൽ മൊയ്തുവിനാണ് അപകടത്തിൽ പരിക്കേറ്റത്. സംഭവത്തിൽ നാദാപുരം പോലീസ് കേസെടുത്ത് അന്വേഷണം ആരംഭിച്ചു. 2026 ഏപ്രിൽ 8-ന് രാവിലെ 09:30 ഓടെയായിരുന്നു അപകടം സംഭവിച്ചത്.

മൊയ്തു തന്റെ 'KL 18 AB 2546' നമ്പർ ഇലക്ട്രിക് സ്കൂട്ടറിൽ കല്ലാച്ചിയിൽ നിന്നും കക്കട്ട് ഭാഗത്തേക്ക് യാത്ര ചെയ്യുകയായിരുന്നു. ഇതേ ദിശയിൽ കല്ലാച്ചി ഭാഗത്ത് നിന്നും കക്കട്ടിലേക്ക് വരികയായിരുന്ന 'KL 18 AH 4644' നമ്പർ സ്വകാര്യ ബസ് പയന്തോങ്ങ് റേഷൻ കടയ്ക്ക് സമീപം വെച്ച് സ്കൂട്ടറിന്റെ പുറകിലേക്ക് ഇടിക്കുകയായിരുന്നു.

ഇടിയുടെ ആഘാതത്തിൽ സ്കൂട്ടർ യാത്രക്കാരനായ മൊയ്തു റോഡിലേക്ക് തെറിച്ചുവീഴുകയായിരുന്നു. വീഴ്ചയിൽ ഇയാളുടെ തോളെല്ല് പൊട്ടുകയും ശരീരമാസകലം ഗുരുതരമായി പരിക്കേൽക്കുകയും ചെയ്തു.

അശ്രദ്ധമായി വാഹനമോടിച്ച് ജീവന് ഭീഷണിയാകും വിധം അപകടമുണ്ടാക്കിയ ബസ് ഡ്രൈവർക്കെതിരെ പോലീസ് കേസ് രജിസ്റ്റർ ചെയ്തിരിക്കുന്നത്.

### Related Links & Sources
- [Original Story Source](https://nadapuram.truevisionnews.com/news/364891/case-filed-after-private-bus-hits-scooter-in-kallachi)