---
title: "ബജറ്റിലെ പ്രവാസി അവഗണന: കല്ലാച്ചിയിൽ കേരള പ്രവാസി സംഘത്തിന്റെ ശക്തമായ പ്രതിഷേധ പ്രകടനം"
english_title: "Neglect of expatriates in the budget, protest demonstration"
publisher: "nadapuramnews.in"
canonical_url: "https://nadapuram.truevisionnews.com/news/367789/budget-neglect-towards-expatriates-protest-demonstration"
published_at: "2026-06-23T12:00:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a3a296acb5d4_fff.jpg"
keywords: ["Latest News", "Nadapuram", "Neglect Of Expatriates In The Budget"]
---

# ബജറ്റിലെ പ്രവാസി അവഗണന: കല്ലാച്ചിയിൽ കേരള പ്രവാസി സംഘത്തിന്റെ ശക്തമായ പ്രതിഷേധ പ്രകടനം

> **Lead Summary:** **നാദാപുരം**:**[**യു.ഡി.എഫ് സർക്കാർ പ്രഖ്യാപിച്ച ബജറ്റിൽ പ്രവാസി സമൂഹത്തെ പൂർണ്ണമായി അവഗണിച്ചതിൽ പ്രതിഷേധിച്ച് കേരള പ്രവാസി സംഘം നാദാപുരം ഏരിയ കമ്മിറ്റിയുടെ നേതൃത്വത്തിൽ കല്ലാച്ചിയിൽ ശക്തമായ പ്രതിഷേധ പ്രകടനം നടത്തി.

## Article Content

**നാദാപുരം**:**[**യു.ഡി.എഫ് സർക്കാർ പ്രഖ്യാപിച്ച ബജറ്റിൽ പ്രവാസി സമൂഹത്തെ പൂർണ്ണമായി അവഗണിച്ചതിൽ പ്രതിഷേധിച്ച് കേരള പ്രവാസി സംഘം നാദാപുരം ഏരിയ കമ്മിറ്റിയുടെ നേതൃത്വത്തിൽ കല്ലാച്ചിയിൽ ശക്തമായ പ്രതിഷേധ പ്രകടനം നടത്തി.

പ്രവാസികളുടെ ക്ഷേമ പദ്ധതികൾക്ക് മതിയായ പരിഗണന നൽകാത്ത സർക്കാരിന്റെ നയങ്ങൾക്കെതിരെയുള്ള കൂട്ടായ്മയായി പ്രതിഷേധം മാറി.

കല്ലാച്ചി സി.പി.ഐ.(എം) ഓഫീസ് പരിസരത്തുനിന്നും ആരംഭിച്ച പ്രതിഷേധ പ്രകടനത്തിൽ നിരവധി പ്രവാസികളും പൊതുജനങ്ങളും പങ്കെടുത്തു.

പ്രവാസി സമൂഹത്തിന്റെ അവകാശങ്ങൾ സംരക്ഷിക്കണമെന്നും ബജറ്റിലെ അവഗണന തിരുത്തണമെന്നും ആവശ്യപ്പെട്ടായിരുന്നു പ്രകടനം.

കേരള പ്രവാസി സംഘം ജില്ലാ എക്സിക്യൂട്ടീവ് അംഗം കെ.ടി.കെ. ഭാസ്കരൻ, ഏരിയ സെക്രട്ടറി കെ.പി. അശോകൻ, ഏരിയ പ്രസിഡന്റ് സി. രാഗേഷ്, ഏരിയ ട്രഷറർ ടി.കെ. കണ്ണൻ എന്നിവർ പ്രതിഷേധത്തിന് മുഖ്യ നേതൃത്വം നൽകി.

കൂടാതെ കെ. അജിത്ത്, ടി. സുനിൽ, എൻ. ഗോവിന്ദൻ, സി.കെ. ഭാസ്കരൻ, കെ.പി. ഇന്ദിര, ഷീന കരുവന്താരി, കെ.കെ. ഇന്ദിര, കെ. സുബിന തുടങ്ങിയ പ്രമുഖ നേതാക്കളും പ്രകടനത്തിന് മുന്നണിയിൽ അണിനിരന്നു.

പ്രവാസികളുടെ ന്യായമായ ആവശ്യങ്ങൾ സർക്കാർ അംഗീകരിക്കുന്നത് വരെ സമരം തുടരുമെന്ന് നേതാക്കൾ അറിയിച്ചു.

### Related Links & Sources
- [Original Story Source](https://nadapuram.truevisionnews.com/news/367789/budget-neglect-towards-expatriates-protest-demonstration)