---
title: "അടുക്കളയിലെ കുസൃതി അപകടമായി; കളിക്കുന്നതിനിടെ പാത്രം തലയിൽ കുടുങ്ങിയ രണ്ടു വയസുകാരിക്ക് രക്ഷകരായി ഫയർഫോഴ്സ്"
english_title: "Vessel gets stuck on head in Nadapuram; Nadapuram Fire Force responds."
publisher: "nadapuramnews.in"
canonical_url: "https://nadapuram.truevisionnews.com/news/368060/vessel-gets-stuck-on-head-in-nadapuram-nadapuram-fire-force-responds"
published_at: "2026-06-24T14:06:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a3b97e53f330_NADA4.jpg"
keywords: ["Latest News", "Nadapuram", "Vessel Gets Stuck On Head", "Nadapuram Fire Force"]
---

# അടുക്കളയിലെ കുസൃതി അപകടമായി; കളിക്കുന്നതിനിടെ പാത്രം തലയിൽ കുടുങ്ങിയ രണ്ടു വയസുകാരിക്ക് രക്ഷകരായി ഫയർഫോഴ്സ്

> **Lead Summary:** **നാദാപുരം: [**പാറക്കടവ് ഉമ്മത്തൂരിൽ കളിക്കുന്നതിനിടെ അലൂമിനിയം പാത്രം തലയിൽ കുടുങ്ങിയ രണ്ടു വയസുകാരിയെ നാദാപുരം അഗ്നിരക്ഷാസേന രക്ഷപ്പെടുത്തി. ഉമ്മത്തൂർ കളത്തറ അനസിന്റെ മകൾ ഫാത്തിമ ആലിയയുടെ തലയിലാണ് ഇന്ന് രാവിലെ 11 മണിയോട് കൂടി പാത്രം കുടുങ്ങിയത്. വീട്ടിലെ അടുക്കളയിൽ വച്ചാണ് സംഭവം.

## Article Content

**നാദാപുരം: [**പാറക്കടവ് ഉമ്മത്തൂരിൽ കളിക്കുന്നതിനിടെ അലൂമിനിയം പാത്രം തലയിൽ കുടുങ്ങിയ രണ്ടു വയസുകാരിയെ നാദാപുരം അഗ്നിരക്ഷാസേന രക്ഷപ്പെടുത്തി. ഉമ്മത്തൂർ കളത്തറ അനസിന്റെ മകൾ ഫാത്തിമ ആലിയയുടെ തലയിലാണ് ഇന്ന് രാവിലെ 11 മണിയോട് കൂടി പാത്രം കുടുങ്ങിയത്. വീട്ടിലെ അടുക്കളയിൽ വച്ചാണ് സംഭവം.

കളിക്കുന്നതിനിടെ കുട്ടി പാത്രം തലയിൽ വയ്ക്കുകയും തല പൂർണമായും പാത്രത്തിനുള്ളിൽ കുടുങ്ങിപ്പോവുകയുമായിരുന്നു. കുട്ടിയുടെ കരച്ചിൽ കേട്ട് ഓടിയെത്തിയ വീട്ടുകാർ പല വിധത്തിൽ ശ്രമിച്ചെങ്കിലും പാത്രം ഊരിയെടുക്കാൻ കഴിഞ്ഞില്ല. തുടർന്ന് നാദാപുരം ഫയർസ്റ്റേഷനിൽ കുട്ടിയുമായി വീട്ടുകാർ എത്തുകയായിരുന്നു. സേനാഗംങ്ങൾ ഏറെ ശ്രദ്ധയോടെ കട്ടർ, സ്പ്രെഡർ എന്നിവ ഉപയോഗിച്ച് പാത്രം മുറിച്ചുമാറ്റിയാണ് കുട്ടിയെ സുരക്ഷിതമായി പരിക്കുകൾ ഒന്നും കൂടാതെ രക്ഷപ്പെടുത്തിയത്.

കരഞ്ഞു കൊണ്ട് വന്ന ആലിയ ചിരിച്ചു കൊണ്ട് ഫയർഫോഴ്സ് മാമൻമാരോട് യാത്ര പറഞ്ഞാണ് സ്റ്റേഷനിൽ നിന്ന് തിരിച്ചു പോയത്. രക്ഷാപ്രവർത്തനത്തിന് സ്റ്റേഷൻ ഓഫീസർ വരുൺ.എസ്, ഗ്രേഡ് : സ്റ്റേഷൻ ഓഫീസർ മധുപ്രസാദ്. സീനിയർ ഫയർ & റെസ്ക്യൂ ഓഫീസർ മുഹമ്മദ്‌ സാനീജ് എന്നിവർ നേതൃത്വം നൽകി

കളിപ്പാട്ടങ്ങൾക്ക് പകരം വീട്ടുപകരണങ്ങൾ എടുത്ത് കളിക്കുന്നത് അപകടങ്ങൾക്ക് കാരണമാകുമെന്ന് ഫയർഫോഴ്സ് ഉദ്യോഗസ്ഥർ രക്ഷിതാക്കൾക്ക് മുന്നറിയിപ്പ് നൽകി.

### Related Links & Sources
- [Original Story Source](https://nadapuram.truevisionnews.com/news/368060/vessel-gets-stuck-on-head-in-nadapuram-nadapuram-fire-force-responds)