---
title: "സമൃദ്ധിയുടെ കൈപ്പുണ്യം; നാല് വർഷത്തെ ഇടവേളയ്ക്ക് ശേഷം പയേരിക്കണ്ടത്ത് വീണ്ടും നെൽകൃഷി പുനരാരംഭിച്ചു"
english_title: "Paddy cultivation has resumed at Payeerikandam."
publisher: "nadapuramnews.in"
canonical_url: "https://nadapuram.truevisionnews.com/news/371359/paddy-cultivation-has-resumed-at-payeerikandam"
published_at: "2026-07-09T12:19:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a4f44b76166f_9.jpg"
keywords: ["Latest News", "Valayam", "Paddy Cultivation", "Payeerikandam"]
---

# സമൃദ്ധിയുടെ കൈപ്പുണ്യം; നാല് വർഷത്തെ ഇടവേളയ്ക്ക് ശേഷം പയേരിക്കണ്ടത്ത് വീണ്ടും നെൽകൃഷി പുനരാരംഭിച്ചു

> **Lead Summary:** **വളയം: [** നാലു വർഷമായി തരിശുകിടന്ന പാടശേഖരത്തിന് പുതുജീവൻ നൽകി ചെക്യാട് പഞ്ചായത്തിലെ കല്ലുനിര പൊടിക്കളം പയേരിക്കണ്ടം. 'സമൃദ്ധി കാർഷിക കൂട്ടായ്മ'യുടെ നേതൃത്വത്തിൽ പ്രദേശവാസികൾ ഒത്തുചേർന്നാണ് മൂന്നേക്കറോളം വരുന്ന നെൽപാടത്ത് കൃഷി പുനരാരംഭിച്ചത്. കഠിനാധ്വാനത്തിലൂടെ തരിശുഭൂമിയെ വീണ്ടും കാർഷിക സമൃദ്ധിയിലേക്ക് തിരികെ കൊണ്ടുവരാൻ ഇവർക്ക് സാധിച്ചു.

## Article Content

**വളയം: [** നാലു വർഷമായി തരിശുകിടന്ന പാടശേഖരത്തിന് പുതുജീവൻ നൽകി ചെക്യാട് പഞ്ചായത്തിലെ കല്ലുനിര പൊടിക്കളം പയേരിക്കണ്ടം. 'സമൃദ്ധി കാർഷിക കൂട്ടായ്മ'യുടെ നേതൃത്വത്തിൽ പ്രദേശവാസികൾ ഒത്തുചേർന്നാണ് മൂന്നേക്കറോളം വരുന്ന നെൽപാടത്ത് കൃഷി പുനരാരംഭിച്ചത്. കഠിനാധ്വാനത്തിലൂടെ തരിശുഭൂമിയെ വീണ്ടും കാർഷിക സമൃദ്ധിയിലേക്ക് തിരികെ കൊണ്ടുവരാൻ ഇവർക്ക് സാധിച്ചു.

ഞാറ് നടീൽ ഉത്സവം കെ.എം. അഭിജിത്ത് എം.എൽ.എ ഉദ്ഘാടനം ചെയ്തു. കനത്ത മഴയെപ്പോലും വകവെക്കാതെ ജനപ്രതിനിധികളും, രാഷ്ട്രീയ-സാംസ്കാരിക രംഗത്തെ പ്രമുഖരും, സ്ത്രീകളും കുട്ടികളുമടക്കം നിരവധി പേർ ഈ കാർഷിക മുന്നേറ്റത്തിൽ പങ്കാളികളായി.

വളയം യു.പി. സ്കൂൾ, പാറാട്ട് ഗുരുദേവ സ്മാരകം എൽ.പി. സ്കൂൾ എന്നിവിടങ്ങളിൽ നിന്നുള്ള വിദ്യാർത്ഥികളുടെ സാന്നിധ്യം ചടങ്ങിന് മാറ്റുകൂട്ടി. കൃഷിപ്പാഠങ്ങൾ നേരിട്ടറിയാൻ കുട്ടികൾക്ക് ലഭിച്ച ഈ അവസരം ഏറെ ശ്രദ്ധേയമായി.

മണ്ണിനെ കണ്ണിലെ കൃഷ്ണമണി പോലെ കാത്തുസൂക്ഷിക്കേണ്ട കാലഘട്ടമാണിതെന്ന് ഉദ്ഘാടന പ്രസംഗത്തിൽ എം.എൽ.എ ഓർമ്മിപ്പിച്ചു. ഇത്തരം മാതൃകാപരമായ പ്രവർത്തനങ്ങൾക്ക് എല്ലാവിധ പിന്തുണയും നൽകുമെന്നും അദ്ദേഹം വ്യക്തമാക്കി.

ചടങ്ങിൽ വാർഡ് മെമ്പർ കെ.പി. കുമാരൻ, ചെക്യാട് പഞ്ചായത്ത് വൈസ് പ്രസിഡന്റ് വസന്ത കരിന്ത്രയിൽ, കെ.പി. ശങ്കരൻ, കൃഷി ഓഫീസർ ഭാഗ്യലക്ഷ്മി ടി.എസ് എന്നിവർ സംസാരിച്ചു. സമൃദ്ധി പ്രവർത്തകരായ എം.പി. നന്ദകുമാർ, എ.കെ. ഷിബുരാജ്, കെ.പി. രമേശൻ തുടങ്ങിയവർ കാർഷിക കൂട്ടായ്മയുടെ പ്രവർത്തനങ്ങൾക്ക് നേതൃത്വം നൽകി.

### Related Links & Sources
- [Original Story Source](https://nadapuram.truevisionnews.com/news/371359/paddy-cultivation-has-resumed-at-payeerikandam)