---
title: "വളയത്ത് വീണ്ടും അപകടം; ജീപ്പിടിച്ച് കാൽനടയാത്രക്കാരന് ഗുരുതര പരിക്ക്, പോലീസ് കേസെടുത്തു"
english_title: "Valayam Chuzhali Road Accident Jeep Hits Pedestrian Youth Died Day Before"
publisher: "nadapuramnews.in"
canonical_url: "https://nadapuram.truevisionnews.com/news/372471/valayam-chuzhali-road-accident-jeep-pedestrian-injured"
published_at: "2026-07-15T11:13:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a4a16a2d1c83_accident.jpg"
keywords: ["Latest News", "Valayam Accident", "Traffic Safety", "Valayam Chuzhali"]
---

# വളയത്ത് വീണ്ടും അപകടം; ജീപ്പിടിച്ച് കാൽനടയാത്രക്കാരന് ഗുരുതര പരിക്ക്, പോലീസ് കേസെടുത്തു

> **Lead Summary:** **വളയം: [ **വളയം പെട്രോൾ പമ്പിന് സമീപത്ത് ജീപ്പിടിച്ച് കാൽനടയാത്രക്കാരന് പരിക്ക് പറ്റിയതായി പരാതി. വളയം സ്വദേശിയായ ചാലുപറമ്പത്ത് അശോകനാണ് പരിക്ക് പറ്റിയത്. വളയത്തുനിന്നും ചുഴലി ഭാഗത്തേക്ക് കാൽനടയായി സഞ്ചരിക്കുകയായിരുന്ന അശോകനെ അതേ ദിശയിൽ വന്ന ജീപ്പ് ഇടിക്കുകയായിരുന്നു. അമിത വേഗതയിലും അശ്രദ്ധമായും ജീപ്പ് ഓടിച്ചതാണ് അപകടത്തിന് കാരണമായതെന്ന് പരാതിയിൽ പറയുന്നു.

## Article Content

**വളയം: [ **വളയം പെട്രോൾ പമ്പിന് സമീപത്ത് ജീപ്പിടിച്ച് കാൽനടയാത്രക്കാരന് പരിക്ക് പറ്റിയതായി പരാതി. വളയം സ്വദേശിയായ ചാലുപറമ്പത്ത് അശോകനാണ് പരിക്ക് പറ്റിയത്. വളയത്തുനിന്നും ചുഴലി ഭാഗത്തേക്ക് കാൽനടയായി സഞ്ചരിക്കുകയായിരുന്ന അശോകനെ അതേ ദിശയിൽ വന്ന ജീപ്പ് ഇടിക്കുകയായിരുന്നു. അമിത വേഗതയിലും അശ്രദ്ധമായും ജീപ്പ് ഓടിച്ചതാണ് അപകടത്തിന് കാരണമായതെന്ന് പരാതിയിൽ പറയുന്നു.

ജീപ്പിന്റെ ഇടികൊണ്ട് റോഡിലേക്ക് തെറിച്ചുവീണ അശോകന് ഗുരുതരമായ പരിക്കേറ്റിട്ടുണ്ട്. ഇടിയുടെ ആഘാതത്തിൽ തത്സമയം തന്നെ ഇദ്ദേഹം റോഡിൽ വീഴുകയായിരുന്നു. സംഭവത്തിൽ വളയം പോലീസ് ജീപ്പ് ഡ്രൈവർക്കെതിരെ കേസെടുത്ത് അന്വേഷണം ആരംഭിച്ചു.

കഴിഞ്ഞ ദിവസം വളയം ചുഴലി റോഡിൽ രാത്രി നടന്ന ബൈക്ക് അപകടത്തിൽ നിരവുമ്മൽ സ്വദേശിയായ വള്ളിൽ രാഹുൽ (28) മരണപ്പെട്ടിരുന്നു. ബൈക്ക് നിയന്ത്രണം വിട്ട് റോഡിലേക്ക് തെറിച്ച് വീണാണ് അപകടം സംഭവിച്ചത്. റോഡിലേക്ക് തെറിച്ച് വീണ ഒരു യുവാവിന്റെ തലയ്ക്ക് ഗുരുതരമായി പരിക്കേൽക്കുകയും തൽസമയം മരിക്കുകയും ചെയ്തിരുന്നു . തൊട്ടടുത്ത ദിവസമാണ് വീണ്ടും അതേ സ്ഥലത്ത് അപകടങ്ങൾ ഉണ്ടാവുന്നത്. തുടർച്ചയായ ഈ അപകടങ്ങൾ നാട്ടുകാരിൽ ആശങ്ക പരത്തുകയാണ്.

റോഡിന്റെ ശോചനീയാവസ്ഥയും വളവുകളിലെ അമിതവേഗതയുമാണ് അപകടങ്ങൾ പെരുകാൻ കാരണമാകുന്നത്. പലപ്പോഴും വാഹനങ്ങൾ അമിത വേഗതയിൽ പായുന്നത് കാൽനടയാത്രക്കാർക്ക് ഭീഷണിയാകുന്നുണ്ട്. പ്രധാനപ്പെട്ട റോഡാണെങ്കിലും ആവശ്യമായ സുരക്ഷാ സംവിധാനങ്ങളോ മുന്നറിയിപ്പ് ബോർഡുകളോ ഇല്ലാത്തത് കൂടുതൽ അപകടങ്ങൾ സൃഷ്ടിക്കും.

ഇനിയും ഒരു ജീവൻ കൂടി നഷ്ടപ്പെടാതിരിക്കാൻ യാത്രക്കാരും നാട്ടുകാരും ശ്രദ്ധിക്കേണ്ടതുണ്ട്. റോഡിൽ അമിതവേഗത നിയന്ത്രിക്കാൻ ആവശ്യമായ സ്പീഡ് ബ്രേക്കറുകൾ സ്ഥാപിക്കുകയും, രാത്രികാലങ്ങളിൽ ലൈറ്റിംഗ് സംവിധാനങ്ങൾ ഒരുക്കുകയും ചെയ്യേണ്ടത് അത്യാവശ്യമാണ്. വീണ്ടും ഇത്തരം ദുരന്തങ്ങൾ ഉണ്ടാകാതിരിക്കാൻ റോഡ് സുരക്ഷാ നിയമങ്ങൾ കർശനമായി പാലിക്കാൻ ഡ്രൈവർമാരും ശ്രദ്ധിക്കേണ്ടതുണ്ട്.

### Related Links & Sources
- [Original Story Source](https://nadapuram.truevisionnews.com/news/372471/valayam-chuzhali-road-accident-jeep-pedestrian-injured)