---
title: "തണലൊരുക്കാൻ; നിർധന കുടുംബത്തിന് കൈത്താങ്ങ്, യു.എ.ഇ. കെ.എം.സി.സി സഹായഫണ്ട് കൈമാറി "
english_title: "UAE KMCC Hands Over Aid Fund for House Construction in Nadapuram Thinur"
publisher: "nadapuramnews.in"
canonical_url: "https://nadapuram.truevisionnews.com/news/373041/uae-kmcc-aid-fund-house-nadapuram-thinur"
published_at: "2026-07-17T20:04:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5a3da9ea423_uae-kmcc-aid-fund-house-nadapuram-thinur.jpg"
keywords: []
---

# തണലൊരുക്കാൻ; നിർധന കുടുംബത്തിന് കൈത്താങ്ങ്, യു.എ.ഇ. കെ.എം.സി.സി സഹായഫണ്ട് കൈമാറി 

> **Lead Summary:** നാദാപുരം: നാദാപുരം പഞ്ചായത്തിലെ തിനൂർ പ്രദേശത്തെ നിർധന കുടുംബത്തിനായി നിർമിക്കുന്ന വീടിന്റെ നിർമാണത്തിന് യു.എ.ഇ. കെ.എം.സി.സിയുടെ സഹായഫണ്ട് കൈമാറി.

## Article Content

നാദാപുരം: നാദാപുരം പഞ്ചായത്തിലെ തിനൂർ പ്രദേശത്തെ നിർധന കുടുംബത്തിനായി നിർമിക്കുന്ന വീടിന്റെ നിർമാണത്തിന് യു.എ.ഇ. കെ.എം.സി.സിയുടെ സഹായഫണ്ട് കൈമാറി.

അജ്മാൻ കെ.എം.സി.സി പ്രസിഡന്റ് സൂപ്പി പാതിരിപ്പറ്റയാണ് വീട് നിർമാണത്തിനുള്ള ധനസഹായം കൈമാറിയത്. വീട് നിർമാണ കമ്മിറ്റി ചെയർമാൻ സി.കെ. നാണു ഫണ്ട് ഏറ്റുവാങ്ങി.

വീട് നിർമാണത്തിനായി നാട്ടുകാരും വിവിധ ജി.സി.സി രാജ്യങ്ങളിലെ കെ.എം.സി.സി പ്രവർത്തകരും ഒന്നിച്ചുള്ള സംയുക്ത പരിശ്രമത്തിന്റെ ഭാഗമായാണ് സഹായം ലഭിച്ചത്. പൂർണമായും ജീർണിച്ച വീട്ടിൽ താമസിച്ചിരുന്ന കുടുംബത്തിന് ഒരു തണലൊരുക്കുക എന്ന ലക്ഷ്യത്തോടെയാണ് പുതിയ വീടിന്റെ നിർമാണം നടക്കുന്നത്.

ചടങ്ങിൽ വാർഡ് മെമ്പർ പി.പി. മൊയ്തു, മുസ്ലിം ലീഗ് നരിപ്പറ്റ പഞ്ചായത്ത് ട്രഷറർ എൻ. ഹമീദ്, സെക്രട്ടറി എൻ. സൂപ്പി, ശാഖ മുസ്ലിം ലീഗ് പ്രസിഡന്റ് പി.കെ. അമ്മത്, സെക്രട്ടറി എൻ.പി. മുഹമ്മദ് റഹ്മാനി, യൂത്ത് ലീഗ് പഞ്ചായത്ത് സെക്രട്ടറി സിയാദ് പാലോൽ എന്നിവർ പങ്കെടുത്തു.

വിവിധ ജി.സി.സി രാജ്യങ്ങളിലെ കെ.എം.സി.സി ഭാരവാഹികളായ നാസർ നരിപ്പറ്റ, കാട്ടിൽ ഗഫൂർ, ഇസ്മായിൽ തട്ടാറത്ത്, അഷ്റഫ് തുണ്ടിയിൽ, കെ.വി. സലീം, സി. മൊയ്ദു, മുഹമ്മദലി തിനൂർ, അഹമ്മദ് ചീക്കോന്ന് എന്നിവരും സന്നിഹിതരായിരുന്നു. വീട് നിർമാണ കമ്മിറ്റി ഭാരവാഹികളായ പി.കെ. ശശി, എൻ.പി. മജീദ്, എൻ. ഹമീദ്, ഒ.പി. സതീശൻ എന്നിവരും പരിപാടിയിൽ സംസാരിച്ചു.

നാടിന്റെ ഐക്യവും പ്രവാസികളുടെ സഹായ മനസും കൊണ്ടാണ് ഇത്തരം ജീവകാരുണ്യ പ്രവർത്തനങ്ങൾ സാധ്യമാകുന്നതെന്ന് സംസാരിച്ചവർ അഭിപ്രായപ്പെട്ടു.

### Related Links & Sources
- [Original Story Source](https://nadapuram.truevisionnews.com/news/373041/uae-kmcc-aid-fund-house-nadapuram-thinur)