---
title: "നെടുംപറമ്പ് എൽ.പി. സ്കൂളിൽ സി.എം. കിഡ്സ് വിജയികൾക്ക് അനുമോദനം"
english_title: "Nedumparam LP School Honors CM Kids Winners in PTA Meeting"
publisher: "nadapuramnews.in"
canonical_url: "https://nadapuram.truevisionnews.com/news/373044/nedumparam-lp-school-cm-kids-winners-honoured-pt-meeting"
published_at: "2026-07-17T20:16:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5a40639f996_nedumparam-lp-school-cm-kids-winners-honoured-pt-meeting.jpg"
keywords: ["Nedumparam LP School", "CM Kids", "PTA General Body", "Vanimel Panchayat", "Student Achievement"]
---

# നെടുംപറമ്പ് എൽ.പി. സ്കൂളിൽ സി.എം. കിഡ്സ് വിജയികൾക്ക് അനുമോദനം

> **Lead Summary:** നെടുംപറമ്പ്: നെടുംപറമ്പ് എൽ.പി. സ്കൂളിലെ പി.ടി.എ ജനറൽ ബോഡി യോഗവും സി.എം. കിഡ്സ് മത്സരങ്ങളിൽ വിജയം നേടിയ വിദ്യാർഥികൾക്കുള്ള അനുമോദന ചടങ്ങും സംഘടിപ്പിച്ചു.വാണിമേൽ പഞ്ചായത്ത് വൈസ് പ്രസിഡന്റ് മുർഷിന ചടങ്ങ് ഉദ്ഘാടനം ചെയ്തു.

## Article Content

നെടുംപറമ്പ്: നെടുംപറമ്പ് എൽ.പി. സ്കൂളിലെ പി.ടി.എ ജനറൽ ബോഡി യോഗവും സി.എം. കിഡ്സ് മത്സരങ്ങളിൽ വിജയം നേടിയ വിദ്യാർഥികൾക്കുള്ള അനുമോദന ചടങ്ങും സംഘടിപ്പിച്ചു.വാണിമേൽ പഞ്ചായത്ത് വൈസ് പ്രസിഡന്റ് മുർഷിന ചടങ്ങ് ഉദ്ഘാടനം ചെയ്തു.

കുട്ടികളുടെ സർഗാത്മക കഴിവുകൾ വളർത്തുന്നതിൽ സി.എം. കിഡ്സ് പോലുള്ള സർക്കാർ പദ്ധതികൾ വലിയ പങ്ക് വഹിക്കുന്നുണ്ടെന്ന് അവർ പറഞ്ഞു. വിദ്യാലയങ്ങളിലെ കലാ-കായിക-അക്കാദമിക രംഗത്തെ മികവുകൾക്ക് സമൂഹത്തിന്റെ പിന്തുണ അനിവാര്യമാണെന്നും അവർ കൂട്ടിച്ചേർത്തു.

പി.ടി.എ പ്രസിഡന്റ് വി.പി. സുനിൽകുമാർ അധ്യക്ഷത വഹിച്ചു. സ്കൂൾ മാനേജർ കെ.പി. കൃഷ്ണൻ, മുൻ പ്രധാനാധ്യാപകരായ ചന്ദ്രൻ മാസ്റ്റർ, സുധാരത്നം ടീച്ചർ എന്നിവർ ആശംസകൾ അർപ്പിച്ചു സംസാരിച്ചു.

യോഗത്തിൽ സി.എം. കിഡ്സ് മത്സരങ്ങളിൽ ജില്ലാതലത്തിലും സംസ്ഥാനതലത്തിലും മികവ് തെളിയിച്ച വിദ്യാർഥികളെ ഉപഹാരങ്ങളും പ്രശംസാപത്രങ്ങളും നൽകി അനുമോദിച്ചു. രക്ഷിതാക്കളുടെയും അധ്യാപകരുടെയും നാട്ടുകാരുടെയും സാന്നിധ്യം ചടങ്ങിന് മാറ്റുകൂട്ടി. വിദ്യാലയത്തിന്റെ ഭൗതിക സൗകര്യങ്ങൾ മെച്ചപ്പെടുത്തുന്നതിനും കുട്ടികളുടെ സമഗ്ര വികസനത്തിനും ഒരുമിച്ച് പ്രവർത്തിക്കുമെന്ന് പി.ടി.എ യോഗം തീരുമാനിച്ചു. സ്റ്റാഫ് സെക്രട്ടറി ഒ.പി. സത്യൻ സ്വാഗതവും നന്ദിയും പറഞ്ഞു.

### Related Links & Sources
- [Original Story Source](https://nadapuram.truevisionnews.com/news/373044/nedumparam-lp-school-cm-kids-winners-honoured-pt-meeting)