---
title: "പൂവ്വംവയലിൽ സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു; നിരവധി പേർ ചികിത്സതേടി"
english_title: "Free Ayurvedic Medical Camp Poovamvayal Sayoojyam Vayojanasabha"
publisher: "nadapuramnews.in"
canonical_url: "https://nadapuram.truevisionnews.com/news/373207/free-ayurvedic-medical-camp-poovamvayal"
published_at: "2026-07-18T16:00:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a5b561e294fd_free-ayurvedic-medical-camp-poovamvayal.jpg"
keywords: ["Latest News", "Poovamvayal", "Ayurveda", "Medical Camp", "Sayoojyam"]
---

# പൂവ്വംവയലിൽ സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു; നിരവധി പേർ ചികിത്സതേടി

> **Lead Summary:** **വളയം: [ **സായൂജ്യം വയോജനസഭ പൂവ്വംവയൽ യൂണിറ്റിന്റെ ആഭിമുഖ്യത്തിൽ സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു. ക്യാമ്പിന്റെ ഔദ്യോഗിക ഉദ്ഘാടനം ഗ്രാമപഞ്ചായത്ത് പ്രസിഡന്റ് പി.എസ്. പ്രീത നിർവ്വഹിച്ചു. വയോജനങ്ങൾക്ക് പ്രായോഗികമായ ആരോഗ്യ പരിപാലനവും സൗജന്യ ചികിത്സയും ഉറപ്പാക്കുക എന്ന ലക്ഷ്യത്തോടെയാണ് ക്യാമ്പ് നടത്തിയത്.

## Article Content

**വളയം: [ **സായൂജ്യം വയോജനസഭ പൂവ്വംവയൽ യൂണിറ്റിന്റെ ആഭിമുഖ്യത്തിൽ സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു. ക്യാമ്പിന്റെ ഔദ്യോഗിക ഉദ്ഘാടനം ഗ്രാമപഞ്ചായത്ത് പ്രസിഡന്റ് പി.എസ്. പ്രീത നിർവ്വഹിച്ചു. വയോജനങ്ങൾക്ക് പ്രായോഗികമായ ആരോഗ്യ പരിപാലനവും സൗജന്യ ചികിത്സയും ഉറപ്പാക്കുക എന്ന ലക്ഷ്യത്തോടെയാണ് ക്യാമ്പ് നടത്തിയത്.

ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ റുംഷി ചടങ്ങിൽ അധ്യക്ഷത വഹിച്ചു. വളയം ആയുർവേദ മെഡിക്കൽ ഓഫീസർ ഡോ. മുംതാസ് ആയുർവേദ പ്രതിരോധ മാർഗ്ഗങ്ങളെക്കുറിച്ചും ക്യാമ്പിന്റെ ലക്ഷ്യങ്ങളെക്കുറിച്ചും വിശദീകരിച്ചു സംസാരിച്ചു. വയോജനസഭ മേഖല ട്രഷറർ എം.കെ. അശോകൻ മാസ്റ്റർ ചടങ്ങിൽ സ്വാഗതം ആശംസിച്ചു.

തുടർന്ന് നടന്ന ചടങ്ങിൽ പി.കെ. ശങ്കരൻ, സി.എച്ച്. ശങ്കരൻ മാസ്റ്റർ, കെ.ടി. കുഞ്ഞിക്കണ്ണൻ, സി.എച്ച്. ഭാസ്കരൻ, സി.കെ. സതീശൻ തുടങ്ങിയ പ്രാദേശിക നേതാക്കളും പ്രമുഖരും ആശംസകൾ അർപ്പിച്ചു സംസാരിച്ചു. പ്രദേശവാസികളായ അറുപതോളം ആളുകൾ ക്യാമ്പിലെത്തി വിദഗ്ദ്ധ ചികിത്സയും മരുന്നുകളും കൈപ്പറ്റി. എം.കെ. ലക്ഷ്മണൻ പരിപാടിക്ക് നന്ദി പ്രകാശിപ്പിച്ചു.

### Related Links & Sources
- [Original Story Source](https://nadapuram.truevisionnews.com/news/373207/free-ayurvedic-medical-camp-poovamvayal)