---
title: "വയോജന വിശ്രമകേന്ദ്രമായി പകൽവീടുകൾ വേണം: സീനിയർ സിറ്റിസൺ ഫ്രണ്ട്‌സ് വെൽഫെയർ അസോസിയേഷൻ"
english_title: "Senior Citizen Friends Welfare Association Vanimel Unit Conference Held, Key Resolutions Passed"
publisher: "nadapuramnews.in"
canonical_url: "https://nadapuram.truevisionnews.com/news/375691/senior-citizen-friends-welfare-association-vanimel-unit-conference-2026"
published_at: "2026-07-31T11:33:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a6c3ecdead53_senior-citizen-friends-welfare-association-vanimel-unit-conference-2026.jpg"
keywords: ["Senior Citizen", "SCFWA", "Vanimel", "Elderly Welfare", "Day Care Centre", "Senior Citizen Park"]
---

# വയോജന വിശ്രമകേന്ദ്രമായി പകൽവീടുകൾ വേണം: സീനിയർ സിറ്റിസൺ ഫ്രണ്ട്‌സ് വെൽഫെയർ അസോസിയേഷൻ

> **Lead Summary:** **വാണിമേൽ: [ **വയോജന വിശ്രമകേന്ദ്രമായി പകൽവീടുകൾ വേണമെന്ന് സീനിയർ സിറ്റിസൺ ഫ്രണ്ട്‌സ് വെൽഫെയർ അസോസിയേഷൻ SCFWA വാണിമേൽ യൂണിറ്റ് സമ്മേളനം ആവശ്യപ്പെട്ടു. സംഘടനയുടെ ജില്ലാ പ്രസിഡന്റ് വി. പി. കുഞ്ഞികൃഷ്ണൻ സമ്മേളനം ഉദ്ഘാടനം ചെയ്തു.

## Article Content

**വാണിമേൽ: [ **വയോജന വിശ്രമകേന്ദ്രമായി പകൽവീടുകൾ വേണമെന്ന് സീനിയർ സിറ്റിസൺ ഫ്രണ്ട്‌സ് വെൽഫെയർ അസോസിയേഷൻ SCFWA വാണിമേൽ യൂണിറ്റ് സമ്മേളനം ആവശ്യപ്പെട്ടു. സംഘടനയുടെ ജില്ലാ പ്രസിഡന്റ് വി. പി. കുഞ്ഞികൃഷ്ണൻ സമ്മേളനം ഉദ്ഘാടനം ചെയ്തു.

യൂണിറ്റ് പ്രസിഡന്റ് സുരേന്ദ്രൻ മംഗലശ്ശേരി അധ്യക്ഷത വഹിച്ച ചടങ്ങിൽ മുതിർന്ന പൗരന്മാരുടെ പ്രശ്നങ്ങളും സംഘടനയുടെ മുന്നോട്ടുള്ള പ്രവർത്തനങ്ങളും വിശദമായി ചർച്ച ചെയ്തു. യൂണിറ്റ് സെക്രട്ടറി ഇ. വി. നാണു പ്രവർത്തന റിപ്പോർട്ട് സമ്മേളനത്തിൽ അവതരിപ്പിച്ചു. സംഘടനയുടെ അംഗത്വ വർദ്ധന, ക്ഷേമപ്രവർത്തനങ്ങൾ, സാമൂഹിക ഇടപെടലുകൾ എന്നിവ റിപ്പോർട്ടിൽ എടുത്തുപറഞ്ഞു.

സമ്മേളനത്തിൽ അന്തരിച്ച മുതിർന്ന അംഗങ്ങൾക്ക് അനുശോചനം രേഖപ്പെടുത്തി. എം. കെ. ബാലൻ, ടി. വി. ആണ്ടിമാസ്റ്റർ എന്നിവർ ചേർന്നാണ് അനുശോചന പ്രമേയം അവതരിപ്പിച്ചത്. പ്രമേയത്തിൽ അന്തരിച്ചവരുടെ കുടുംബങ്ങൾക്ക് സംഘടനയുടെ ഐക്യദാർഢ്യം അറിയിക്കുകയും ചെയ്തു.

വയോജനങ്ങളുടെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിന് പ്രധാന മൂന്ന് പ്രമേയങ്ങളാണ് സമ്മേളനം പാസാക്കിയത്. ഭൂമിവാതുക്കൽ, പരപ്പു പാറ ടൗണുകളിൽ വയോജന വിശ്രമകേന്ദ്രങ്ങൾ സ്ഥാപിക്കണമെന്ന് ആവശ്യപ്പെട്ട് പി. ചോയിക്കുട്ടി മാസ്റ്റർ പ്രമേയം അവതരിപ്പിച്ചു. വയൽപ്പീടിക ടൗണിൽ ഒരു വയോജന പാർക്ക് നിർമ്മിക്കണമെന്ന പ്രമേയം പി. രവീന്ദ്രൻ മാസ്റ്റർ അവതരിപ്പിച്ചു.

പകൽവീടുകൾ ഇല്ലാത്ത എല്ലാ വാർഡുകളിലും പകൽവീടുകൾ സ്ഥാപിക്കണമെന്ന് ആവശ്യപ്പെട്ട പ്രമേയം അച്ചുതൻ കാപ്പുമ്മൽ അവതരിപ്പിച്ചു. മുതിർന്ന പൗരന്മാർക്ക് വിശ്രമിക്കാനും സാമൂഹികമായി ഒത്തുചേരാനും ഈ കേന്ദ്രങ്ങൾ അത്യാവശ്യമാണെന്ന് പ്രമേയങ്ങൾ അവതരിപ്പിച്ചവർ ചൂണ്ടിക്കാട്ടി.

ചടങ്ങിൽ എൻ. പി. സി. കണാരൻ സ്വാഗതവും പി. ചോയിക്കുട്ടി നന്ദിയും പറഞ്ഞു. സമ്മേളനത്തിൽ നിരവധി അംഗങ്ങൾ പങ്കെടുത്തു. പ്രദേശത്തെ വയോജന പ്രശ്നങ്ങൾക്ക് പരിഹാരം കാണുന്നതിനായി ബന്ധപ്പെട്ട അധികാരികളുമായി ചർച്ച നടത്തുമെന്നും യൂണിറ്റ് ഭാരവാഹികൾ അറിയിച്ചു.

### Related Links & Sources
- [Original Story Source](https://nadapuram.truevisionnews.com/news/375691/senior-citizen-friends-welfare-association-vanimel-unit-conference-2026)