---
title: "പുതുയുഗ നാദാപുരം കെട്ടിപ്പടുക്കാൻ; 'നാദാപുരം നെക്സ്റ്റ്' ശില്പശാല സംഘടിപ്പിച്ചു"
english_title: "Nadapuram Next Workshop Organized by Muslim League for Comprehensive Development"
publisher: "nadapuramnews.in"
canonical_url: "https://nadapuram.truevisionnews.com/news/378270/nadapuram-next-workshop-muslim-league-development"
published_at: "2026-08-13T11:07:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a7d5872cd62a_nadapuram-next-workshop-muslim-league-development.jpg"
keywords: ["Nadapuram Next", "Muslim League", "Nadapuram development"]
---

# പുതുയുഗ നാദാപുരം കെട്ടിപ്പടുക്കാൻ; 'നാദാപുരം നെക്സ്റ്റ്' ശില്പശാല സംഘടിപ്പിച്ചു

> **Lead Summary:** **നാദാപുരം:[ **നാദാപുരം നിയോജക മണ്ഡലത്തിന്റെ സമഗ്രമായ വികസനം ലക്ഷ്യമിട്ട് മുസ്‌ലിം ലീഗ് നിയോജക മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ച 'നാദാപുരം നെക്സ്റ്റ്' ശില്പശാല ശ്രദ്ധേയമായി.

## Article Content

**നാദാപുരം:[ **നാദാപുരം നിയോജക മണ്ഡലത്തിന്റെ സമഗ്രമായ വികസനം ലക്ഷ്യമിട്ട് മുസ്‌ലിം ലീഗ് നിയോജക മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ച 'നാദാപുരം നെക്സ്റ്റ്' ശില്പശാല ശ്രദ്ധേയമായി.

ചെക്യാട് മലബാർ കോളജിൽ വെച്ചാണ് ഈ സുപ്രധാന ശിൽപശാല നടന്നത്. മണ്ഡലത്തിന്റെ ഭാവി വികസന സാധ്യതകൾ, ഭരണനിർവഹണം, സംരംഭകത്വം, സാമ്പത്തിക ആസൂത്രണം തുടങ്ങിയ വിവിധ നിർണായക വിഷയങ്ങൾ ചർച്ച ചെയ്യുന്നതിനായി നിരവധി പ്രമുഖരാണ് പരിപാടിയിൽ ഒത്തുകൂടിയത്.

മുസ്‌ലിം ലീഗ് സംസ്ഥാന സെക്രട്ടറി പി.എം.എ സലാം ശില്പശാല ഔദ്യോഗികമായി ഉദ്ഘാടനം ചെയ്തു. സമൂഹത്തിന്റെ നന്മയ്ക്കായി മുസ്‌ലിം ലീഗ് പ്രവർത്തകർ സജീവമായി സാമൂഹിക സംരംഭക പ്രവർത്തനങ്ങളിൽ ശ്രദ്ധ പതിപ്പിക്കണമെന്ന് അദ്ദേഹം ആഹ്വാനം ചെയ്തു.

മണ്ഡലം പ്രസിഡന്റ് മുഹമ്മദ് ബംഗ്ലത്ത് ചടങ്ങിന് അധ്യക്ഷത വഹിച്ചപ്പോൾ, സെക്രട്ടറി എം.പി ജാഫർ സ്വാഗതത്തോടൊപ്പം ആമുഖ ഭാഷണവും നിർവഹിച്ചു. സി.എൻ വിജയ കൃഷ്ണൻ, പി.എം.എ സമീർ എം.എൽ.എ, സി.കെ സുബൈർ തുടങ്ങിയവർ വിവിധ സെഷനുകൾക്ക് നേതൃത്വം നൽകി സംസാരിച്ചു.

ചടങ്ങിൽ മുസ്‌ലിം ലീഗ് ജില്ലാ സെക്രട്ടറി ടി.ടി ഇസ്‌മായിൽ, ട്രഷറർ സൂപ്പി നരിക്കാട്ടേരി, ചെക്യാട് പഞ്ചായത്ത് പ്രസിഡന്റ് അഹമ്മദ് പുന്നക്കൽ, സി.വി.എം വാണിമേൽ, അബ്‌ദുല്ല വയലോളി, ജില്ലാ പഞ്ചായത്ത് വൈസ് പ്രസിഡന്റ് കെ.കെ നവാസ്, നാദാപുരം പഞ്ചായത്ത് പ്രസിഡന്റ് സഫീറ മൂന്നാംകുനി, തൂണേരി പഞ്ചായത്ത് പ്രസിഡന്റ് വളപ്പിൽ കുഞ്ഞമ്മദ്, വി.വി മുഹമ്മദലി, എ.ആമിന, ടി.കെ ഖാലിദ്, എം.പി സുപ്പി, വി.പി കുഞ്ഞബ്‌ദുല്ല, ടി.കെ അമ്മദ്, ടി.എം.വി ഹമീദ്, ടി.പി അലി തുടങ്ങിയ പ്രമുഖർ ആശംസകൾ അർപ്പിച്ച് സംസാരിച്ചു.

പുതിയ ആശയങ്ങളും പ്രവർത്തന കാഴ്ചപ്പാടുകളും രൂപീകരിച്ചുകൊണ്ട് നാദാപുരത്തിന്റെ പുതുയുഗ വികസനത്തിന് അടിത്തറയിടുന്നതാണ് ഈ ശില്പശാലയെന്ന് സംഘാടകർ വ്യക്തമാക്കി.

### Related Links & Sources
- [Original Story Source](https://nadapuram.truevisionnews.com/news/378270/nadapuram-next-workshop-muslim-league-development)