---
title: "ഡ്രൈവിംഗ് ലൈസൻസുണ്ടോ? പുറമേരി പഞ്ചായത്തിൽ സർക്കാർ വാഹനമോടിക്കാൻ അവസരം"
english_title: "Purameri Panchayat Invites Applications for Daily-Wage Driver Post"
publisher: "nadapuramnews.in"
canonical_url: "https://nadapuram.truevisionnews.com/news/386337/purameri-panchayat-driver-application"
published_at: "2026-10-09T21:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ac909c2e98a9_purameri-panchayat-driver-application.jpg"
keywords: ["PurameriPanchayat", "DriverRecruitment", "LMVLicense", "KozhikodeNews", "DailyWageJob"]
---

# ഡ്രൈവിംഗ് ലൈസൻസുണ്ടോ? പുറമേരി പഞ്ചായത്തിൽ സർക്കാർ വാഹനമോടിക്കാൻ അവസരം

> **Lead Summary:** **പുറമേരി: **പുറമേരി ഗ്രാമപഞ്ചായത്തിന്റെ ഔദ്യോഗിക വാഹനത്തിലേക്ക് ദിവസവേതനാടിസ്ഥാനത്തിൽ ഡ്രൈവറെ നിയമിക്കുന്നതിനായി യോഗ്യരായ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. 179 ദിവസത്തെ താത്കാലിക കാലയളവിലേക്കാണ് ഡ്രൈവറുടെ നിയമനം നടക്കുന്നത്. താൽപര്യമുള്ളവർ പഞ്ചായത്ത് നിർദ്ദേശിച്ചിട്ടുള്ള യോഗ്യതകൾ തെളിയിക്കുന്ന ആവശ്യമായ രേഖകൾ സഹിതം അപേക്ഷിക്കേണ്ടതാണ്.

## Article Content

**പുറമേരി: **പുറമേരി ഗ്രാമപഞ്ചായത്തിന്റെ ഔദ്യോഗിക വാഹനത്തിലേക്ക് ദിവസവേതനാടിസ്ഥാനത്തിൽ ഡ്രൈവറെ നിയമിക്കുന്നതിനായി യോഗ്യരായ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. 179 ദിവസത്തെ താത്കാലിക കാലയളവിലേക്കാണ് ഡ്രൈവറുടെ നിയമനം നടക്കുന്നത്. താൽപര്യമുള്ളവർ പഞ്ചായത്ത് നിർദ്ദേശിച്ചിട്ടുള്ള യോഗ്യതകൾ തെളിയിക്കുന്ന ആവശ്യമായ രേഖകൾ സഹിതം അപേക്ഷിക്കേണ്ടതാണ്.

ഏഴാം ക്ലാസ് പാസ്സായവർക്ക് തസ്തികയിലേക്ക് അപേക്ഷിക്കാം. ലൈറ്റ് മോട്ടോർ വെഹിക്കിൾ (LMV) ഡ്രൈവിംഗ് ലൈസൻസും കുറഞ്ഞത് 3 വർഷത്തെ സീനിയോറിറ്റിയും ഉള്ളവരായിരിക്കണം അപേക്ഷകർ. 18 മുതൽ 41 വയസ്സ് വരെയാണ് പ്രായപരിധി നിശ്ചയിച്ചിട്ടുള്ളത്. എന്നാൽ നിയമപ്രകാരമുള്ള വയസ്സിളവുകൾ അർഹരായ ഉദ്യോഗാർത്ഥികൾക്ക് ലഭിക്കുന്നതായിരിക്കും. അപേക്ഷ ലഭിച്ചതിനു ശേഷം തിരഞ്ഞെടുക്കപ്പെടുന്ന ഉദ്യോഗാർത്ഥികൾക്കായി പ്രൊഫിഷ്യൻസി സ്കിൽ ടെസ്റ്റ് (ഡ്രൈവിംഗ് ടെസ്റ്റ്) നടത്തുന്നതാണെന്നും അധികൃതർ അറിയിച്ചു.

താല്പര്യമുള്ള ഉദ്യോഗാർത്ഥികൾ വയസ്സ്, വിദ്യാഭ്യാസ യോഗ്യത, ഡ്രൈവിംഗ് ലൈസൻസ്, പ്രവൃത്തിപരിചയം എന്നിവ തെളിയിക്കുന്ന രേഖകളുടെ സാക്ഷ്യപ്പെടുത്തിയ പകർപ്പുകൾ സഹിതം ഒക്ടോബർ 19-ന് വൈകുന്നേരം 5.00 മണിക്ക് മുൻപായി പുറമേരി പഞ്ചായത്ത് ഓഫീസിൽ നേരിട്ടോ തപാലിലോ അപേക്ഷ സമർപ്പിക്കേണ്ടതാണ്. അപേക്ഷയെക്കുറിച്ചുള്ള കൂടുതൽ വിവരങ്ങൾക്ക് പുറമേരി പഞ്ചായത്ത് ഓഫീസുമായി ബന്ധപ്പെടാവുന്നതാണെന്ന് ഗ്രാമപഞ്ചായത്ത് സെക്രട്ടറി അറിയിച്ചു.

**English Summary:**

Purameri Grama Panchayat in Kozhikode district has invited applications for a daily-wage driver for its official vehicle for 179 days. Eligible candidates with a 7th standard pass, LMV licence and at least three years’ experience can apply before 5:00 PM on October 19.

### Related Links & Sources
- [Original Story Source](https://nadapuram.truevisionnews.com/news/386337/purameri-panchayat-driver-application)