നാദാപുരം: നാദാപുരം കോളേജ് ഓഫ് അപ്ലൈഡ് സയൻസിൽ ആരംഭിച്ച ടെക്ക് ഫെസ്റ്റ് 31 ന് സമാപിക്കും. ഐ എച്ച്ആർഡി സംഘടിപ്പിക്കുന്ന ടെക്നിക്കൽ ഫെസ്റ്റ് ആയ tharng 2023 ന്റെ ഭാഗമായാണ് നാദാപുരം കോളേജ് ഓഫ് അപ്ലൈഡ് സയൻസിലെ കമ്പ്യൂട്ടർ ഡിപ്പാർട്മെൻറ് കോളേജ് തല ടെക് ഫെസ്റ്റ് excelencia 2023 സംഘടിപ്പിച്ചത് .
ടെക്നിക്കൽ ഫെസ്റ്റിൽ സാങ്കേതിക മേഖലയിലെ നൂതന ആശയങ്ങൾ പ്രതിപാദിക്കുന്ന സെമിനാറുകൾ, വിവിധ ടെക്നിക്കൽ മത്സരങ്ങൾ , ക്വിസ് എന്നിവ നടക്കുകയാണ്. പരിപാടിയുടെ ഔപചാരികമായ ഉദ്ഘാടനം തൂണേരി ബ്ലോക്ക് പഞ്ചായത്ത് സ്റ്റാന്റിംഗ് കമ്മിറ്റി ചെയർമാൻ രജീന്ദ്രൻ കപ്പള്ളി നിർവഹിച്ചു. കോളേജിനായി പുതുതായി നിർമിച്ച വെബ്സൈറ്റ് നാദാപുരം ഗ്രാമ പഞ്ചായത് മെമ്പർ എ ദിലീപ്കുമാർ പ്രകാശനം ചെയ്തു.
കോളേജ് പ്രിൻസിപ്പൽ ഷീജ എ കെ അധ്യക്ഷയായി. ഷിൻസി, അശ്വന്ത് , അനഘ ബിജേഷ് പി, രമേശ് ബാബു സി, കോളേജ് യൂനിയൻ ചെയർമാൻ അക്ഷയ്കുമാർ എന്നിവർ സംസാരിച്ചു. മികച്ച പരീക്ഷാവിജയം നേടിയ വിദ്യാർത്ഥികളെയും വെബ്സൈറ്റ് ഡിസൈൻ ചെയ്ത അധ്യാപകൻ വിനുപ്രസാദിനെയും ചടങ്ങിൽ ആദരിച്ചു. ജിതിൻ എസ് സ്വാഗതവും പ്രോഗ്രാം കൺവീനർ നിവേദ് എ പി നന്ദിയും പറഞ്ഞു.
Tech Fest; Tech Fest at Nadapuram College of Applied Science till 31st