നാദാപുരം : (nadapuramnews.com) രാപകൽ ഭേദമന്യേ അ ന്തരീക്ഷ ഊഷ്മാവ് ഏറി ചൂട് സഹിക്കാതെ നിൽക്കുമ്പൊഴെങ്കിലും നാം ഓർക്കണം ഈ മണ്ണും മരങ്ങളും ഇനി വരുന്ന തലമുറയ്ക്ക് കൂടി അവകാശപ്പെട്ടതാണെന്ന് കവിയും ചലചിത്ര ഗാന രചയിതാവുമായ ഇഞ്ചക്കാട് ബാലചന്ദ്രൻ പറഞ്ഞു.
പ്രോവിഡൻസ് സ്കൂൾ 37ാം വാർഷികാഘോഷം "ഇനി വരുന്ന തലമുറയ്ക്ക് പ്രോവിഡൻസ് ഫെസ്റ്റ് - 24 "കല്ലാച്ചിയിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മൂന്നരപതിറ്റാണ്ട് മുമ്പ് "ഇനി വരുന്ന തലമുറയ്ക്ക് " എന്ന കവിത താൻ എഴുതമ്പോൾ ചോദിച്ച ചോദ്യങ്ങൾക്ക് ഇന്നാണ് ലോകം ഉത്തരം തേടി പരക്കം പായുന്നതെന്നും ഇഞ്ചക്കാട് ബാലചന്ദ്രൻ പറഞ്ഞു. രണ്ട് ദിവസങ്ങളിലായി നടന്നു വരുന്ന ഫെസ്റ്റ് ഉദ്ഘാടന ചടങ്ങിൽ പിടിഎ പ്രസിഡൻ്റ് കെ.കെ ശ്രീജിത് അധ്യക്ഷനായി.
ഗായകനും സംഗീത സംവിധയകനുമായ അജയ് ഗോപാൽ മുഖ്യാതിഥിയായി. അഡ്മിനിസ്ട്രേറ്റർ വിവി ബാലകൃഷ്ണൻ, പ്രധാന അധ്യാപിക സി ബീന, പിടിഎ ഭാരവാഹികളായ ടി സി കൃഷ്ണ ദാസ്, എം ടി കെ മനോജൻ , വിനയ എന്നിവർ സംസാരിച്ചു.
സ്കൂളിനായി പിടിഎ സമ്മാനിച്ച ശുദ്ധജല സംഭരണികൾ പിടിഎ എക്സിക്യുട്ടീവ് അംഗങ്ങളായ റോഷിൽ , അഭിലാഷ്, സതീശൻ, ജിജിന, രേഷ്മ, സൗപർണിക , ഷിജി, ദിവ്യ, രേഷ്മ, ദീപ, രേഷ്മ തൂണേരി എന്നിവർ കൈമാറി. സി പി ജിതേഷ് അജിത, രജനി എന്നിവർ ഏറ്റുവാങ്ങി. പ്രിൻസിപ്പൾ എം.കെ വിനോദൻ സ്വാഗതവും, സ്കൂൾ ലീഡർ നിവേദ ആർ ജെ നന്ദിയും പറഞ്ഞു.
സ്കൂളിൽ പഠന- പാഠ്യേതര വിഷയങ്ങളിൽ പ്രതിഭ തെളിയിച്ച 250 ലധികം കുട്ടികളെ അനുമോദിച്ചു. പ്രതിഭാ സംഗമത്തിൽ ഗ്രാമപഞ്ചായത്ത് പ്രസിഡൻ്റ്മാരായ വി.വി മുഹമ്മദലി , അഡ്വ. വി.കെ ജ്യോതിലക്ഷ്മി, കെ.പി പ്രദീഷ്, സുധാസത്യൻ ,നാദാപുരം ഗ്രാമപഞ്ചായത്ത് വൈസ് . പ്രസിഡൻ്റ് അഖില മര്യാട്ട്, ഗ്രാമപഞ്ചായത്ത് അംഗം നിഷ മനോജ് , കവി രഞ്ചിത്ത് കുമാർ പുറമേരി എന്നിവർ ഉപഹാരങ്ങൾ നൽകി.
#Remember #igets #hot #Poet #InchakadBalachandran #says #nature #belongs #next #generation #too
