വളയം: (nadapuram.truevisionnews.com) വയറെരിയുന്നവരുടെ മിഴി നനയാതെ ഈ യുവജന പ്രസ്ഥാനം കോഴിക്കോട് മെഡിക്കൽ കോളേജിൽ കാവൽ നിൽക്കാൻ തുടങ്ങിയിട്ട് ഏറെയായി.
ഡിവൈഎഫ്ഐ ഹൃദയപൂർവം പരിപാടിയിൽ മൂവായിരത്തിലധികം പേർക്ക് ഉച്ച ഭക്ഷണം ചെയ്യാനുള്ള ഉത്തരവാദിത്വം ഇന്നലെ ഡിവൈഎഫ്ഐ വളയം മേഖല കമ്മിറ്റിക്കായിരുന്നൂ .
മേഖലയിലെ അഞ്ഞൂറിലധികം കുടുംബങ്ങൾ പദ്ധതിയുടെ ഭാഗമായി. പുലർച്ചെ തന്നെ അടുക്കളകൾ ഉണർന്നു .
യുവതി - യുവാക്കളെ കൂടാതെ വീട്ടമ്മമാരും പ്രായമുള്ളവരും മുതിർന്നവരും ആവേശ പൂർവ്വം പരിപാടിയുടെ ഭാഗമായി.
മെഡിക്കൽ കോളേജ് ആശുപത്രിയിലേക്കുള്ള പൊതിച്ചോറ് യാത്രയുടെ ഫ്ളാഗ് ഓഫ് സിപിഐഎം വളയം ലോക്കൽ കെഎം ദാമു ഉദ്ഘാടനം ചെയ്തു.
ടി കണാരൻ , കെ ശ്രീജിത്ത്,ഡി വൈ എഫ് ഐ നേതാക്കളായ രാഹുൽ യു കെ, ശ്രീജേഷ് ടി, അർജുൻ ഒ പി, ലിനീഷ് എ പി, ശരത് കുമാർ, അഭിനവ് ഇ കെ, അഭിനവ് വി കെ, അമയ വി കെ, അഭിജിത്, ഷിജിത് കെ, കൃഷ്ണ പ്രയാഗ് എന്നിവർ നേതൃത്വം നൽകി.
#rice #drank #millet #water #wrappers #provided #country
.jfif)
