നാദാപുരം: നാദാപുരത്ത് വിൽപ്പനക്കായി സ്കൂട്ടറിൽ കൊണ്ട് പോവുകയായിരുന്ന കഞ്ചാവുമായി യുവാവ് അറസ്റ്റിൽ. പൊൻമേരി പറമ്പിൽ സ്വദേശി അക്കായി താഴെകുനിയിൽ എ. കെ. അമൽ (26) നെയാണ് നാദാപുരം എസ് ഐ എം നൗഷാദ് അറസ്റ്റ് ചെയ്തത്.
പ്രതിയിൽ നിന്ന് പ്ലാസ്റ്റിക് കവറിലാക്കി സൂക്ഷിച്ച 45 ഗ്രാംപ്രതിയിൽ നിന്ന് പ്ലാസ്റ്റിക് കവറിലാക്കി സൂക്ഷിച്ച 45 ഗ്രാം കഞ്ചാവ് പോലീസ് പിടികൂടി. രഹസ്യ വിവരത്തിന്റെ അടിസ്ഥാനത്തിൽ കുനിങ്ങാട്- തണ്ണീർ പന്തൽ റോഡിൽ ഹയാത്തുൽ ഇസ്ലാം മദ്രസ ബസ്സ് സ്റ്റോപ്പിന് സമീപം വെച്ച് വാഹന പരിശോധനക്കിടെയാണ് പ്രതി പിടിയിലായത്.
പ്രതി സഞ്ചരിച്ച കെ എൽ 18 എ ബി 8391 സ്കൂട്ടറും പോലീസ് കസ്റ്റഡിയിൽ എടുത്തു. നാദാപുരം ഡി വൈ എസ് പി.പി എൽ ഷൈജുവിൻ്റെ സ്ക്വാഡ്അംഗങ്ങളായ എ എസ് ഐ മാരായ രാമത്ത് മനോജ്, സദാനന്ദൻ വളളിൽ , സി പി ഒ കെ. ലതീഷ് എന്നിവരും പരിശോധനക്ക് നേതൃത്വം നൽകി.
#youngman #arrested #ganja #which #he #was #carrying #scooter #sale #Nadapuram
