---
title: "#Womens Meet  |'കാഴ്ചകൾക്കുമപ്പുറം' തണൽ വനിതാ സംഗമം നാളെ ;ഒരുക്കങ്ങൾ പൂർത്തിയായി "
english_title: "#Beyond #Views #Shadow #Women's #Meet #Tomorrow #Preparations #Completed"
publisher: "nadapuramnews.in"
canonical_url: "https://nadapuram.truevisionnews.com/news/206178/beyond-views-shadow-womens-meet-tomorrow-preparations-completed"
published_at: "2024-05-19T12:04:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66499de2526fa_edacherii.jpg"
keywords: []
---

# #Womens Meet  |'കാഴ്ചകൾക്കുമപ്പുറം' തണൽ വനിതാ സംഗമം നാളെ ;ഒരുക്കങ്ങൾ പൂർത്തിയായി 

> **Lead Summary:** ** എടച്ചേരി : [** ഈ മാസം 20 തിങ്കളാഴ്ച എടച്ചേരി തണൽ അങ്കണത്തിൽ നടക്കുന്ന 'കാഴ്ചകൾക്കുമപ്പുറം' - വനിതാ സംഗമത്തിൻ്റെ ഒരുക്കങ്ങൾ പൂർത്തിയായതായി സംഘാടക സമിതി ഭാരവാഹികൾ അറിയിച്ചു.

## Article Content

** എടച്ചേരി : [** ഈ മാസം 20 തിങ്കളാഴ്ച എടച്ചേരി തണൽ അങ്കണത്തിൽ നടക്കുന്ന 'കാഴ്ചകൾക്കുമപ്പുറം' - വനിതാ സംഗമത്തിൻ്റെ ഒരുക്കങ്ങൾ പൂർത്തിയായതായി സംഘാടക സമിതി ഭാരവാഹികൾ അറിയിച്ചു.

വൈകുന്നേരം 3 മണിക്ക് ആരംഭിക്കുന്ന സംഗമത്തിൽ തണൽ കുടുംബാംഗങ്ങളുടെ കലാപരിപാടികൾ, ഇതിനകം തണൽ കുടുംബത്തിൽ നിന്നും വിട പറഞ്ഞവർക്കുള്ള അനുസ്മരണം എന്നിവ നടക്കും.നാദാപുരം, കൂത്തുപറമ്പ് നിയോജക മണ്ഡലങ്ങളിലെ സന്നദ്ധ വനിതാ പ്രവർത്തകരാണ് തണലിൽ ഒത്തുകൂടുന്നത്.

> അശരണരും നിരാലംബരുമായ നൂറുകണക്കിന് അഗതികളുടെ ആശ്രയ കേന്ദ്രമായ എടച്ചേരി "തണൽ വീട് "തിങ്കളാഴ്ച വനിതാ സംഗമ വേദിയായി മാറും.ഏകദേശം 700 ഓളം വനിതകൾ സംഗമത്തിൽ പങ്കെടുക്കുമെന്നാണ് കരുതുന്നത് .

തണലിൻ്റെ പ്രവർത്തനം കൂടുതൽ ജനകീയമാക്കുന്നതിനും, നാലു ചുമരുകൾക്കുള്ളിൽ ഒതുങ്ങുന്ന സഹോദരങ്ങൾക്ക് ആടിയും പാടിയും വിരസതയകറ്റി, കലാപരിപാടികൾ അവതരിപ്പിച്ചും, ആസ്വദിച്ചും സന്തോഷിക്കാനുള്ള അവസരം കൂടിയാവും ഈ സംഗമം.

തണൽ ചെയർമാൻ ഡോ. ഇദ്രിസ് ഉൾപ്പെടെയുള്ള നിരവധി പ്രമുഖർ വനിതാസംഗമത്തിൽ പങ്കാളികളാകും.

### Related Links & Sources
- [Original Story Source](https://nadapuram.truevisionnews.com/news/206178/beyond-views-shadow-womens-meet-tomorrow-preparations-completed)