നാദാപുരം :(nadapuram.truevisionnews.com) നാദാപുരം ഗ്രാമപഞ്ചായത്തിലെ ചീയൂർ ഏഴാം വാർഡിൽ വികസന വിപ്ലവം കൊണ്ടുവന്ന് വാർഡ് മെമ്പർ അഖില മര്യാട്ട്.
കഴിഞ്ഞ ദിവസം എട്ട് പദ്ധതികൾ നിർമ്മാണം പൂർത്തിയാക്കി പ്രസിഡന്റ്‌ വി വി മുഹമ്മദലി നാടിനു സമർപ്പിച്ചു.
വല്ല്യാടാൻ ചാലിൽ കക്കാട്ട് മീത്തൽ റോഡ്, പുതിയോട്ടിൽ മുക്ക് റോഡ്, പൊയിൽ കണ്ടി കല്ലിക്കണ്ടി റോഡ്, ഓണങ്ങീര്യംകണ്ടി പരവത്തുപുഴ റോഡ്, തായങ്ങോലം കണ്ടി പുഴയൊരം റോഡ്, റഷാദിയ മദ്രസ റോഡ്, പള്ളിമുക്ക് ചെറുവലത്ത് ക്ഷേത്രം റോഡ്, നെല്ലിയുള്ളതിൽ കിണർ പുനരുദ്ധാരണം തുടങ്ങിയ പദ്ധതികളാണ് പ്രസിഡന്റ്‌ വി വി മുഹമ്മദലി ഉത്ഘാടനം ചെയ്തത്.
ഓരോ പദ്ധതിയും യഥാർഥ്യമാക്കുന്നതിനു നിശ്ചയ ദാർഢ്യത്തോടെ നേതൃത്വം നൽകുന്ന ഗ്രാമ പഞ്ചായത്ത് പ്രസിഡന്റ വി വി മുഹമ്മദ്ലിയെയും വാർഡിന്റെ ഉന്നമനത്തിനു മികച്ച പങ്കു വഹിച്ച വാർഡ് മെമ്പറും വൈസ്പ്രസിഡന്റ്റുമായ അഖില മര്യാട്ടിനെയും വാർഡ് വികസന സമിതി അംഗങ്ങളും നാട്ടുകാരും ചേർന്ന് അംഗീകാരം നൽകി ആദരിച്ചു.
ഉത്ഘടന ചടങ്ങിൽ വാർഡ് വികസന സമിതി കൺവീനവർ കെ പി സുബൈർ, അയൽസഭ കൺവീനർമാരായ ഷംസു പി, ഭാസ്കരൻ മാഷ്, ഈന്തുള്ളത്തിൽ കുഞ്ഞാലി,
ഒ കെ അബ്ദുള്ള, വസന്ത ഒ പി, ചാത്തു പി വി, സറീന ടി പി, മഠത്തിൽ അന്ത്രു, അന്ത്രു എ, രവീന്ദ്രൻ ചുണ്ടയിൽ, അഷ്‌റഫ്‌ പി കെ, രാജൻ നെല്ലിയുള്ളതിൽ, ജമാൽ ഹാജി ,പ്രദേശവാസികൾ തുടങ്ങിയവർ പങ്കെടുത്തു.
#Akhila #Maryat #fulfills #promises #7th #Ward #development #spurt
.jpeg)
