നാദാപുരം : 2021-22 വർഷത്തെ പട്ടിക ജാതി വിഭാഗ പദ്ധതി മികവുറ്റ രീതിയി പൂർത്തീകരിച്ചതിനുള്ള സംസ്ഥാന സർക്കാർ അംഗീകാരം നാദാപുരം ഗ്രാമ പഞ്ചായത്തിന് ലഭിച്ചു.
തൃശൂരിൽ വെച്ച്‌ നടന്ന ചടങ്ങിൽ തദ്ദേശ സ്വയംഭരണ വകുപ്പു മന്ത്രി എം എവി ഗോവിന്ദൻ മാസ്റ്ററിൽ നിന്നും സർക്കാറിന്റെ അനുമോദന പത്രം ഗ്രാമപഞ്ചായത്ത്‌ പ്രസിഡന്റ്‌ വി വി മുഹമ്മദലി അസി സെക്രടറി ടി പ്രേമാനന്ദൻ എന്നിവർ ഏറ്റുവാങ്ങി.
പട്ടികജാതി വിഭാഗങ്ങളുടെ പ്രത്യേക ഗ്രാമസഭായോഗം വിളിച്ചു ചേർത്ത്‌ പദ്ധതി നിർദ്ദേശങ്ങൾ സ്വീകരിച്ച്‌ അവരുടെ ഉന്നമനത്തിനുള്ള വിവിധ പദ്ധതികളാവിഷ്കരിച്ച്‌ സമയ ബന്ധിതമായി പൂർത്തീകരിച്ചതിനുള്ള അംഗീകാരമാണിത്‌.
പട്ടിക ജാതിവിഭാഗത്തിൽപെട്ടവരുടെ വീട്‌ നിർമ്മണം വീട്‌ വാസയോഗ്യമാക്കൽ, കട്ടിൽ വിതരണം,വിദ്യാർത്ഥികൾക്കുള്ള പഠനമുറി നിർമ്മാണം,ലാപ്‌ ടോപ്‌ വിതരണം ,പഠനോപകരണതിതിനുള്ള ഫർണ്ണിച്ചർ വിതരണം തുടങ്ങിയവയാണ് കഴിഞ്ഞ പ്രാവശ്യം നടത്തിയത്.
തൃശൂരിൽ നടന്ന ചടങ്ങിൽ പി ബാലചന്ദ്രൻ എം എൽ എ അദ്ധ്യക്ഷം വഹിച്ചു.പഞ്ചായത്ത് ഡയരക്ടർ എച്ച്‌ ദിനേശൻ ഐ എ എസ്‌ സ്വാഗതം പറഞ്ഞു.
സംസ്ഥാന ആസൂത്രണ സമിതി അംഗം ജിജു. പി അലക്സ്‌, തദ്ദേശ സ്വയംഭരണ വകുപ്പ്‌ പ്രിൻസിപ്പൽ ഡയരക്ടർ പി ബാലമുരളി ഐ എ എസ്‌, ഗ്രാമ പഞ്ചായത്ത് അസോസിയേഷൻ സംസ്ഥാന ജന സെക്രടറി കെ സുരേഷ്‌, അഡീഷണൽ പഞ്ചായത്ത് ഡയരക്ടർ എം പി അജിത്കുമാർ,ജോയിന്റ് ഡയരക്ടർ എസ്‌ ജോസ്ന മോൾ എന്നിവർ സംബന്ധിച്ചു.
എസ്‌ സി പി-ടി എസ്‌ പി പദ്ധതികൾ വിലയിരുത്തി സംസ്ഥന സർക്കാർ ആദ്യമായാണ് ഗ്രാമ പഞ്ചായത്തുകൾക്ക്‌ പുരസ്കാരം നൽകുന്നത്. രണ്ടുതവണ ഗ്രാമ പഞ്ചായത്ത് അംഗമായ വി വി മുഹമ്മദലി ആദ്യമായാണ് പ്രസിഡന്റാകുന്നത്‌. നിലവിൽ ഗ്രാമ പഞ്ചായത്ത് അസോസിയേഷൻ സംസ്ഥാന വൈസ്‌ പ്രസിഡന്റായും പ്രവർത്തിക്കുന്നു.
2022-23 വർഷത്തെ പദ്ധതിയാസൂത്രണത്തിന്റെ ഭാഗമായി ഈ മാസം 27 ന് പട്ടിക ജാതി വിഭാഗത്തിന്റെ പ്രത്യേക ഗ്രാമ സഭാ യോഗം ചേരുന്നതാണെന്ന് ഗ്രാമ പഞ്ചായത്ത് പ്രസിഡന്റ്‌ വി വി മുഹമ്മദലി അറിയിച്ചു. പുരസ്കാരത്തിന് തെരഞ്ഞെടുക്കപ്പെടാൻ സഹായിച്ച ജനപ്രതിനിധികൾ ഉദ്യോഗസ്ഥർ, പദ്ധതി ഗുണഭോക്താക്കൾ നാട്ടുകാർ,വാർഡുകളിലെ വികസന പ്രവർത്തകര എന്നിവർക്കെല്ലാം പ്രസിഡന്റ്‌ നന്ദി പറഞ്ഞു
State government approves Nadapuram Grama Panchayat
