.gif)
നാദാപുരം: കർഷകർക്ക് ആശ്വാസം. നാദാപുരം ഗ്രാമപഞ്ചായത്തിൽ തെങ്ങിൻതൈ വിതരണം ചെയ്തു. ഗ്രാമ പഞ്ചായത്ത് ജനകീയാസൂത്രണ പദ്ധതിയിൽ ഉൾപ്പെടുത്തി കർഷകർക്ക് നൽകുന്ന തെങ്ങിൻ തൈയാണ് വിതരണം ചെയ്തത്.ഗ്രാമ പഞ്ചായത്ത് കാർഷിക പദ്ധതിയിൽ നാലു ലക്ഷം രൂപ ചെലവിലാണ് തൈകൾ നൽകുന്നത് .
കർഷകർക്ക് വളവും ഇതോടൊപ്പം വിതരണം ചെയ്യും . തൈ വിതരണം ഗ്രാമ പഞ്ചായത്ത് പ്രസിഡന്റ് വി വി മുഹമ്മദലി ഇരുപത്തി ഒന്നാം വാർഡിലെ റിയാസ് പൂലത്തിനു നൽകി ഉത്ഘാടനം ചെയ്തു . വികസന സ്റ്റാൻഡിങ് കമ്മിറ്റി ചെയർമാൻ സി കെ നാസർ അധ്യക്ഷത വഹിച്ചു
. ഗ്രാമ പഞ്ചായത്ത് അംഗങ്ങളായ വി അബ്ദുൽ ജലീൽ , അബ്ബാസ് കണേക്കൽ , കൃഷി ഓഫീസർ സജീറ ചാത്തോത്ത് , വികസന സമിതി കൺവീനർ ഹാരിസ് മാത്തോട്ടത്തിൽ, അസീസ് തെരുവത്ത് , ടി കെ റഫീഖ് ,ഒ പി അബ്ദുല്ല സംസാരിച്ചു
Relief for farmers; Distribution of coconut seedlings in Nadapuram.
