വാണിമേൽ : ആഭ്യന്തര വകുപ്പ് കൈകാര്യം ചെയ്യുന്ന മുഖ്യമന്ത്രി പിണറായി വിജയന്റെ തണലിൽ കേരളത്തിലെ പോലിസ് പോക്കിരി സർവ്വീസിന് പഠിച്ചു കൊണ്ടിരിക്കുകയാണെന്ന് സംസ്ഥാന യൂത്ത് കോൺഗ്രസ്‌ വൈസ്:പ്രസിഡന്റ് റിജിൽ മാക്കുറ്റി. യുനൈറ്റഡ് ഇന്ത്യ ക്യാമ്പയിനിന്റെ ഭാഗമായി വാണിമേലിൽ നടന്ന മണ്ഡലം യൂത്ത് കോൺഗ്രസ്‌ കമ്മിറ്റിയുടെ പദ യാത്രയുടെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കൃത്യ നിർവ്വഹണത്തിനു പേരു കേട്ട കേരളാ പോലീസ് ഇന്നു നാട്ടിന് അപമാനമായിരിക്കുന്നുവെന്നും അതിന്റെ ഉദാഹരണങ്ങളാണ് മോഫിയ പർവീൺ ഉൾപ്പടെ അനേകം സംഭവങ്ങളെന്നും അദ്ദേഹം പറഞ്ഞു വർഗ്ഗിയതക്കെതിരെ യൂത്ത് കോൺഗ്രസെന്ന പ്രമേയത്തിൽ നടന്ന പദ യാത്ര വെള്ളിയോട് പള്ളി പരിസരത്ത് വെച്ച് ജില്ലാ യൂത്ത് കോൺഗ്രസ്‌ പ്രസിഡന്റ് ആർ. ഷഹിൻ മണ്ഡലം പ്രസിഡന്റ് ലത്തീഫ് കുണ്ടിലിന് പതാക കൈമാറി ഉദ്ഘാടനം ചെയ്തു.
ജയേഷ് കുമാർ അധ്യക്ഷത വഹിച്ചു. ഭവിത്ത് മാലോൽ, ബിപിൻ തോമസ്, അമൽ കൃഷ്ണ സംസാരിച്ചു. തുടർന്ന് ഭൂമിവാതുക്കലിൽ നടന്ന സമാപന സമ്മേളനം സംസ്ഥാന യൂത്ത് കോൺഗ്രസ്‌ ഉപാധ്യക്ഷൻ റിജിൽ മാക്കുറ്റി ഉദ്ഘാടനം ചെയ്തു. ലത്തീഫ് കുണ്ടിൽ അധ്യക്ഷത വഹിച്ചു, കെ. എസ്. യു ജില്ലാ സെക്രട്ടറി അനസ് നങ്ങാണ്ടി ലഹരി വിരുദ്ധ പ്രതിജ്ഞ ചൊല്ലി കൊടുത്തു.
പരിപാടിയിൽ ഡി. സി. സി വൈസ്:പ്രസിഡന്റ് പി. കെ ഹബീബ്, മണ്ഡലം കോൺഗ്രസ്‌ പ്രസിഡന്റ് എം. ടി ഹരിദാസൻ, എം. കെ കുഞ്ഞബ്ദുള്ള,എൻ. കെ മുത്തലിബ്, കെ ബാലകൃഷ്ണൻ,കെ.കുഞ്ഞാലി മാസ്റ്റർ, യു.കെ.അഷ്‌റഫ്‌ മാസ്റ്റർ, ടി. കെ മൊയ്‌തുട്ടി,എൻ സുലൈമാൻ,കല്ലിൽ കുഞ്ഞബ്ദുള്ള, ഷെബി സെബാസ്റ്റ്യൻ,ശരീഫ്,ജെയിംസ് ടോംസ്,ഇസ്ഹാഖ്. ഇ. പി, ഇസ്മായിൽ ടി. കെ തുടങ്ങിയവർ സംസാരിച്ചു അയന ബാലൻ സ്വാഗതവും, ഡോൺ കെ തോമസ് നന്ദിയും പറഞ്ഞു
Police study Pokkiri service in the shadow of Pinarayi - Rijal Makutty
