നാദാപുരം : കണ്ണൂരിൽ സിൽവർലൈൻ അതിവേഗ റെയിൽ പദ്ധതി വിശദീകരണയോഗം നടക്കുന്ന ഹാളിലേക്ക് പ്രതിഷേധമാർച്ച് നടത്തിയ യൂത്ത്കോൺഗ്രസ്‌ സംസ്ഥാന വൈസ് പ്രസിഡന്റ് റിജിൽ മാക്കുറ്റി, കണ്ണൂർ ജില്ല പ്രസിഡന്റ് സുധിപ് ജെയിംസ് എന്നി നേതാക്കൾക്കെതിരെ ഡിവൈഎഫ്ഐ- സിപിഐഎം നേതൃത്വത്തിൽ നടത്തിയ ഗുണ്ടായിസത്തിനെതിരെ യൂത്ത് കോൺഗ്രസ് നാദാപുരം നിയോജകമണ്ഡലം കമ്മിറ്റിയുടെ നേതൃത്വത്തിൽ കല്ലാച്ചിയിൽ പ്രതിഷേധ ജ്വാലയും,കൂട്ടായ്മയും നടത്തി.
ഡിസിസി ജനറൽ സെക്രട്ടറി മോഹനൻ പാറക്കടവ് ഉത്ഘാടനം ചെയ്തു.. പ്രിൻസ് ആന്റണി അധ്യക്ഷനായി. അഡ്വ എ സജീവൻ, ബാസിത് വടക്കയിൽ,ഫസൽ മാട്ടാൻ, അർജുൻ കായക്കൊടി, വിഷ്ണു വൈ എസ്, റിയാസ് ഇയ്യംകോട്, അനിൽ ഉമ്മത്തൂർ,രൂപേഷ് നാദാപുരം തുടങ്ങിയവർ സംസാരിച്ചു.
വാണിമേലിൽ നടന്ന കോൺഗ്രസ് പ്രതിഷേധ പ്രകടനത്തിന് യു കെ അഷ്റഫ്, ചള്ളയിൽ കുഞ്ഞാലി, എൻ കെ മുത്തലിബ് , കെ ബാല കൃഷ്ണൻ നേതൃത്വം നൽകി .
Youth Congress protest in Nadapuram
