---
title: "#EKVijayanMLA | ദുരിതബാധിതരെ കൈവിടില്ല; വിലങ്ങാട്ടേക്ക് നാളെ മുതൽ ബസ് സർവീസ് തുടങ്ങും -ഇ കെ വിജയൻ എം എൽ എ "
english_title: "#Bus #service #Vilangat #will #start #from #tomorrow #EKVijayan #MLA"
publisher: "nadapuramnews.in"
canonical_url: "https://nadapuram.truevisionnews.com/news/228159/bus-service-vilangat-will-start-from-tomorrow-ekvijayan-mla"
published_at: "2024-08-14T13:02:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66bc5da8dfa5b_vilangad.jpg"
keywords: []
---

# #EKVijayanMLA | ദുരിതബാധിതരെ കൈവിടില്ല; വിലങ്ങാട്ടേക്ക് നാളെ മുതൽ ബസ് സർവീസ് തുടങ്ങും -ഇ കെ വിജയൻ എം എൽ എ 

> **Lead Summary:** നാദാപുരം : വിലങ്ങാട് ഉരുൾപൊട്ടൽ ദുരിതബാധിതരെ അവഗണിക്കുന്നതായുള്ള പ്രചരണം ശരിയല്ല. അവരോടൊപ്പം സംസ്ഥന സർക്കാർ ഉണ്ടാകും.

## Article Content

നാദാപുരം : വിലങ്ങാട് ഉരുൾപൊട്ടൽ ദുരിതബാധിതരെ അവഗണിക്കുന്നതായുള്ള പ്രചരണം ശരിയല്ല. അവരോടൊപ്പം സംസ്ഥന സർക്കാർ ഉണ്ടാകും.

നാളെ മുതൽ വിലങ്ങാട് ടൗണിലേക്ക് ബസ് സർവീസ് ആരംഭിക്കുമെന്നും ഇ കെ വിജയം എം എൽ എ പറഞ്ഞു.

പരപ്പുപ്പാറ കമ്മ്യൂണിറ്റി ഹാളിൽ നടന്ന സർവ്വകക്ഷി യോഗത്തിൽ സംസാരിക്കുകയായിരുന്നു അദ്ദേഹം.

ഉരുൾപൊട്ടലിനെ തുടർന്ന് ഉരുട്ടിപ്പാലത്തിന്റെ അപ്പ്രോച്ച് റോഡ് തകരുകയും ടൗണിലെ റോഡ് ഒലിച്ച് പോയതിനാലാണ് വാഹന ഗതാഗതം നിലച്ചത്.

താത്കാലിക അറ്റകുറ്റപ്പണി നടന്നതിനാൽ ഗതാഗതം പുനഃരാരംഭിക്കാൻ കഴിയുമെന്നും എം എൽ എ പറഞ്ഞു.

എം എൽ എയുടെ അധ്യക്ഷതയിൽ ചേർന്ന യോഗത്തിൽ ജില്ല പഞ്ചായത്ത് പ്രസിഡൻ്റ് ഷീജ ശശി, വൈസ് പ്രസിഡന്റ് പി ഗവാസ്, സ്ഥിരം സമിതി ചെയർമാൻ പി സുരേന്ദ്രൻ, ഗ്രാമ പഞ്ചായത്ത് പ്രസിഡന്റ് പി സുരയ്യ, വൈസ് പ്രസിഡൻ്റ് സെൽമ രാജു, ആർ ഡി ഒ: അൻവർ സാദത്ത്, വടകര താഹസിൽദാർ വിവിധ രാഷ്ട്രീയ പാർട്ടി നേതാക്കൾ, ജന പ്രതിനിധികൾ, വിവിധ വകുപ്പ് മേധാവികൾ എന്നിവർ പങ്കെടുത്തു.

### Related Links & Sources
- [Original Story Source](https://nadapuram.truevisionnews.com/news/228159/bus-service-vilangat-will-start-from-tomorrow-ekvijayan-mla)