നാദാപുരം: (nadapuram.truevisionnews.com) ഒരു കാലത്ത് ഏഷ്യയിലെ തന്നെ വമ്പിച്ച ഉന്നതിയിൽ നിന്ന മരമില്ല് വ്യവസായവും തടി കച്ചവടവും തകർച്ച നേരിടുകയാണെന്നും ഇതിനു പരിഹാരം വേണമെന്നും വടകര താലൂക്ക് സോമിൽ ഓണേഴ്‌സ് ആന്റ് വുഡ് ഇൻഡസ്ട്രീസ് അസോസിയേഷൻ സമ്മേളനം ആവശ്യപ്പെട്ടു.
ഒട്ടനവധി പേർക്ക് തൊഴിൽ നൽകുന്ന ഈ വ്യവസായം തകർച്ച നേരിടുമ്പോൾ കെഎസ്ഇബിയുടെ സമീപനം കനത്ത പ്രഹരമാവുകയാണ്. ഇതിനെ ആശ്രയിക്കുന്ന വലിയ ശതമാനം തൊഴിലാളികളും വഴിയാധാരമാവുന്നു.
പണി വളരെ കുറവുള ഈ സാഹചര്യത്തിൽ കെ. എസ് ഇ ബിയുടെ വൈദ്യൂതി നിരക്ക് ദിനം പ്രതി കൂടുന്നത് കാരണം ഈ വ്യവസായ മേഖലെയെ ഇരട്ടി പ്രഹരമേൽപ്പിക്കുന്നു. ഈ വലിയ തൊഴിൽ ആശ്രയ മേഖലയെ കേരള സർക്കാർ സംരക്ഷിച്ച് നിർത്തണമെന്ന സമ്മേളനം അഭ്യർഥിച്ചു.
ജില്ല ജനറൽ സിക്രട്ടറി ഒ.വി.സി.ബോബൻ സമ്മേളനം ഉദ്ഘാടനം ചെയ്തു. താലൂക്ക് പ്രസിഡന്റ് പ്രഷീത് കുമാർ അധ്യക്ഷത വഹിച്ചു.
താലൂക്ക് ഭാരവാഹികളായ കെ.കെ നവാസ്, പ്രഭീഷ് തണ്ണീർ പന്തൽ, ഫിറോസ് കുറ്റ്യാടി, പി.ടി മുഹമ്മദ്, ചാത്തു തീക്കുനി, ശ്രിജേഷ് പുഷ്പക് തുടങ്ങിയവർ സംസാരിച്ചു.
താലൂക്ക് ജനറൽ സിക്രട്ടറി സുധീഷ് അഴിയൂർ സ്വാഗതവും ഉത്തമൻ നിത്യാനന്ദ നന്ദിയും പറഞ്ഞു.
#Decline #sawmill #industry #should #resolved #Taluk #Sawmill #Owners #Association
_(4).jpeg)
