പാറക്കടവ് : (nadapuramnews.com) വികേന്ദ്രീകൃതാസൂത്രണത്തിന് പുകൾപെറ്റ കേരളത്തിൽ ഇന്ന് നടക്കുന്നത് പിണറയിവിജയന്റെ സ്വേഛാധിപത്യ ഭരണക്രമമാണെന്ന് ജില്ലാ മുസ്ലിം ലീഗ് ഉപാദ്ധ്യക്ഷൻ അഹമ്മദ് പുന്നക്കൽ അഭിപ്രായപ്പെട്ടു. ചെക്യാട് ഗ്രാമ പഞ്ചായത്ത് ഓഫീസിന് മുമ്പിൽ മുസ്ലിം ലീഗ് ജനപ്രതിനിധികൾ നടത്തിയ ധർണ്ണാസമരം ഉൽഘാടനം ചെയ്യുകയായിരുന്നു അദ്ദേഹം.
![](https://tvn.zdn.im/img/truevisionnews.com/0/image-uploads/66a35f785e4a6_rivershorebox advt26-7-24.jpg)
![](https://tvn.zdn.im/img/truevisionnews.com/0/image-uploads/66a37276d03ee_asha orkkatteri.jpg)
ഏറ്റവും അനിവാര്യമായ പാലിയേറ്റീവ് പ്രവർത്തനത്തിന് പോലും ഫണ്ട് അനുവദിക്കുന്നില്ല. സാമ്പത്തിക വർഷത്തിന്റെ പൂർത്തീകരണത്തിന് രണ്ട് മാസം മാത്രം ബാക്കി നിൽക്കെ,കേരളത്തിൽ പദ്ധതി നിർവ്വഹണം 33 ശതമാനം മാത്രമേ ആയിട്ടുള്ളൂ. സർവ്വ ഗ്രാന്റുകളും വെട്ടിക്കുറച്ചുകൊണ്ടിരിക്കുന്നു. തദ്ദേശ സ്ഥാപനങ്ങൾ സമ്പൂർണ്ണമായും സ്ഥംഭിച്ചിരിക്കുകണെന്നും അദ്ദേഹം കൂട്ടിച്ചേർത്തു.
പാർലമെന്ററി പാർട്ടി ലീഡർ ടി.കെ.ഖാലിദ് മാസ്റ്റർ അദ്ധ്യക്ഷനായി. മണ്ഢലം ലീഗ് സെക്രട്ടറി ബി.പി മൂസ്സ, പഞ്ചായത്ത് ലീഗ് പ്രസിഡന്റ് അഹമ്മദ് കുറുവയിൽ, നസീമ കൊട്ടാരം,കോമത്ത് ഹംസ, വി വി മൊയ്ദു, വസന്ത കരിന്ത്രയിൽ പ്രസംഗിച്ചു.
മെമ്പർമാരായ റംല കുട്യാപ്പണ്ടി, ഹാജറ ചെറൂണി, മഫീദ സലീം, പാർട്ടി നേതാക്കളായ കരക്കുളത്ത് മമ്മി, പി കെ മഹമൂദ് ,ഹസ്സന് പിള്ളാണ്ടി തുടങ്ങിയവരുംസംബന്ധിച്ചു. സ്ഥിരം സമിതി അദ്ധ്യക്ഷൻ സുബേർ പറേമ്മൽ സ്വാഗതവും സി. എച്ച് സമീറ നന്ദിയും പറഞ്ഞു.
#Dharna #strike #People's #Representatives #PinarayiVijayan's #autocratic #regime #Punnakkal