Categories
Latest

ചുഴലിയിൽ റേഷൻ വിതരണത്തിൽ ക്രമക്കേട്; നാട്ടുകാർ വീണ്ടും സമരരംഗത്ത്

നാദാപുരം: അരി വിതരണത്തിൽ ക്രമക്കേട് നടത്തിയ റേഷൻ കട ഉടമയെ അധികൃതർ സംരക്ഷിക്കുന്നുവെന്ന് ആരോപണം. വളയം ചുഴലിയിൽ നാട്ടുകാർ പ്രക്ഷോപത്തിലേക്ക്.

വളയം പഞ്ചായത്തിലെ ചുഴലിയിൽ പ്രവർത്തിക്കുന്ന എ ആർ ഡി 242 നമ്പർ ലൈസൻസി പി.കെ കൃഷ്ണന് എതിരെയാണ് കാർഡ് ഉടമകൾ രംഗത്ത് വന്നത്. പി.കെ കൃഷ്ണൻ്റെ ലൈസൻസ് റദ്ദ് ചെയ്ത് പ്രദേശത്ത് റേഷൻ വിതരണം സുഗമമായി നടത്തണമെന്നാണ് ആവശ്യം.

ഇ.കെ വിജയൻ എം എൽ എ, ജില്ലാ സപ്ലൈ ഓഫിസർ ,താലുക്ക് സപ്ലൈ ഓഫിസർ എന്നിവർക്കാണ് നാട്ടുകാർ പരാതി നൽകിയത്. എപ്രിൽ മാസത്തിൽ സർക്കാർ നൽകിയ സൗജന്യ റേഷൻ വിതരണത്തിൽ ക്രമക്കേട് കണ്ടത്തിയതിനെ തുർന്ന് കൃഷണൻ്റെ ലൈസൻസ് സസ്പെൻറ് ചെയ്യ്തിരുന്നു.

ഇയാളുടെ ലൈസൻസ് പുർണമായും റദ്ദ് ചെയ്യണമെന്നാണ് ആവശ്യപ്പെട്ടുകൊണ്ടാണ് ഇപ്പോൾ പരാതി നൽകിയത്.

ഇയാൾക്കെതിരെ വലിയ പ്രതിഷേധമാണ് ജനങ്ങളിൽ നിന്ന് ഉയരുന്നത്. സിവിൽ സപ്ലൈയിസ് അധികൃതർ നേരിട്ടെത്തി നടത്തിയ പരിശോധനയിലാണ് വൻ ക്രമക്കേട് കണ്ടെത്തിയത്.

അരിയുടെ തൂക്കത്തിൽ വെട്ടിപ്പ് നടത്തിയെന്ന് മൂന്ന് പേർ നേരിട്ട് നൽകിയ പരാതിയിലായിരുന്നു റേഷൻ കടയിൽ പരിശോധന നടത്തിയത്. തുടർനടപടി ഉണ്ടായില്ലെങ്കിൽ പ്രത്യക്ഷ സമരം നടത്താനാണ് നാട്ടുകാരുടെ നീക്കം.

Spread the love
  •  
  •  
  •  
  •  
  •  
  •  
  •  
  •  
  •  

NEWS ROUND UP